Аҟәа. Жьҭаарамза 20, 2023 шықәса. Аԥсныпресс. Жьҭаарамза 20 рзы Гагра ақалақь аҿы Аԥсни Урыстәылеи рыҩныҵҟатәи аусқәа Рминистррақәа аҳәаа иаԥну арегионқәа рыҩныҵҟатәи аусқәа русбарҭақәа ркомитетқәа реилатәара мҩаԥысит.
Аиԥылара аихшьаалақәа рыла, аганқәа аҳәаа иаԥну арегионқәа рыҩныҵҟатәи аусқәа русбарҭақәа ркомитетқәа аилатәара апкаанҵа рнапы аҵарҩит. Уи инақәыршәаны, анаҩстәи анапхгарабжьаратәи аусура рконсолидациа алнаршоит, ҳәа адырра ҟанаҵоит аҩныҵҟатәи аусқәа Рминистрра апресс-маҵзура.
Аусуратә еиԥылара рхы аладырхәит Аԥсны аҩныҵҟатәи аусқәа Рминистрра ахаҭарнакцәа, Нхыҵ-Кавказтәи Афедералтә Округ ала Урыстәыла аҩныҵҟатәи аусқәа Рминистрра Аусбарҭа Хада, Краснодартәи атәылаҿацә ала Урыстәылатәи Афедерациа аҩныҵҟатәи аусқәа Рминистрра Аусбарҭа Хада, Ҟарачы-Черқьесстәи Ареспублика ала аҩныҵҟатәи аусқәа Рминистрра, афедералтә ҵакыра «Сириус» ала Урыстәыла аҩныҵҟатәи аусқәа Рминистрра аҟәша ахаҭарнакцәа.
