«Ҳаԥхьаҟа иазԥхьагәаҭаны иҳамоуп зыхәԥса 90 млн. мааҭ рҟынӡа инаӡо аконтрактқәа рыбжьаҵара», — ҳәа иҳәеит Умар Мусаев. Убри аан уи, аилазаара арԥхагақәа аҳәаанырцәтәи атәылақа рахь рышьҭра аганахьала аԥышәа амоуп ҳәа иазгәеиҭеит.
19.Жьҭаара.2023
Даӷьсҭантәи аилазаара арԥхарҭақәа актәи апартиа Аԥсныҟа аагара еиҿнакааит.
Аҟәа. Жьҭаарамза 19, 2023 шықәса. Аԥсныпресс. Даӷьсҭантәи Зҭакԥхықәра Ҳәаақәҵоу Аилазаара «Нива гринхаузис» Аԥсныҟа иаанагеит арԥхарҭақәа актәи апартиа, ҳәа аилазаара анапхгаҩы хада Умар Мусаев иажәақәа рахь азхьарԥш ҟаҵо адырра ҟанаҵоит Аинформациатә Агентра «РБК Кавказ».
Уи иажәақәа рыла, актәи аԥышәатә партиа аконтрактә ахәԥса 1 млн. мааҭ иреиҳауп.
