– Ақыҭарақәа рҿы афатә-ажәтәтә шәарҭадара ашьақәыргылараҿы ақыҭаҳәсақәа инарыгӡо ароль азы адырра аҩаӡара ашьҭыхра.

– Аҭыԥантәи ажь ахкқәа реиқәырхара.

–Аҭыԥантәи аҭынхеи атерруари реиқәырхара ахымԥадатәра азы адыррақәа рыҩаӡара ашьҭыхра.

– Ақыҭанхамҩа аҿиареи аԥхасҭа зырҿио ахәаҷа-маҷа хкқәа комплексла рықәгареи рзы иԥхьагылоу аметодқәа рхархәара аҳәаақәа рырҭбаара.  

– Ақыҭанхамҩа амҩаԥгареи аӡытә ресурсқәа рнапхгараҭареи рзы адыррақәа рыҩаӡара ашьҭыхра.

– Аԥсны абнақәа рыхьчара апроблема. Аӡытә баланс аиқәырхара аҿы абнақәа рроль.

Аофициалтә хәҭа ашьҭахь асасцәа зегьы ирзыԥшын европатәи ашәқәеи аҩқәеи рдегустациа.

Аплатформа «Гәыма» иаарту аплошьадка аҿы имҩаԥысуаз  ахәаахәҭратә цәыргақәҵа аҿы изҭахыз зегьы анатуралтә фермертә аалыҵ аахәаразы алшара рзаԥҵахеит.  

Иара убас аусмҩаԥгатә аҳәаақәа ирҭагӡаны еиҿкаахеит Еиду Амилаҭқәа Реиҿкаара иатәу Амлакра аҿагылара азы Аиҿкаара апроекттә офис 2023 шықәса азы аусура атәы зҳәо афотоцәыргақәҵа.

Еиду Амилаҭқәа Реиҿкаара иатәу Амлакра аҿагылара азы Аиҿкаара апроекттә офис агрономцәа асасцәа рзы ибзиоу аиҭаҳатәқәа раиура азы ажәла аиҭаҳаразы ҷыдала амастер-классқәа мҩаԥыргеит.  

Ари аусмҩаԥгатә иаҭааит хыԥхьаӡара рацәала ауаа, ақыҭақәеи араионқәеи рхадацәа, аеко-активистцәа, афермерцәа уахь иналаҵаны. Еиду Амилаҭқәа Реиҿкаара иатәу Амлакра аҿагылара азы Аиҿкаара апроекттә офис аспециалистцәа гәахәарыла азҵаарақәа зегьы рҭакқәеи адемонстрациатә стендқәа рзонацыԥхьаӡа аҿы аинформациаеи ҟарҵеит.

Абри азы адырра ҟанаҵоит Еиду Амилаҭқәа Реиҿкаара иатәу Амлакра аҿагылара азы Аиҿкаара апроекттә офис апресс-маҵзура.