«Акыр аҵанакуеит, амеханизм амԥыларақәа иахьа иуадаҩу аҭагылазаашьаақәа раангьы аусура ахьацҵахо. Уи жәларбжьаратәи аусқәа рыӡбараҿы акыр хра злоу цәырҵраны иҟоуп. Убасала еиуеиԥшым асанкциақәеи наҟ-ааҟтәи аицәымӷреи аизыҟазаашьақәа реибарххареи  рмыцхәрас хра злоу альтернатива ацәырҵра шзалыршахо умбар залшом!» –  ҳәа инаҵшьны иазгәеиҭеит Григори Карасин.

Аахыҵ Кавказ ашәарҭадареи аҭышәынтәалареи рышьақәыргылара Жәларбжьаратәи женеватәи аиҿцәажәарқәа  арегион аҿы аҭагылазаашьа аԥбарара алыршара, иара убас Аԥсны Аахыҵ Уԥстәылеи Қырҭтәылеи рыбжьара ишиашоу адиалог рыбжьаҵара азы хадара злоу жәларбжьратәи афорумны иҟоуп.  Жәларбжьаратәи женеватәи аиҿцәажәарақәа хацыркын жьҭаарамза 15, 2008 шықәсазы, нанҳәамза  12, цәыббрамза  8, 2008 шықәсазы Д.А.Медведеви - Н.Саркози ирыбжьарҵаз аиқәшаҳаҭрақәа рыла ишьаҭаркны. Иахьазы ароуп Аԥсны, Аахыҵ Уаԥстәыла, Қырҭтәыла рхаҭарнакцәа еидтәаланы реицәажәара ахьалшо. Бжьаҟазацәаны иалахәуп Урыстәыла, Еидгыло Америкатәи Аштатқәа, Еиду Амилаҭқәа Реиҿкаара (ООН), Европатәи атәылақәа Реидгыла (ЕС),  Европатәи атәылақәа Реиидгыла ашәарҭадаразы Аиҿкаара (ОБСЕ)  рхаҭарнакцәа, ацхантәаҩцәа. Араҟа ицәыргахо азҵаара хадақәа иреиуоуп амч ахамырхәаразы аиқәшаҳаҭра анапаҵаҩра. Москва, Цхинвал, Аҟәа Қарҭ ааԥхьара арҭоит уи анапаҵаҩраз, аха иара мап акуеит. Аилацәажәарақәа ҩ-усуратә гәыԥ – ашәарҭадареи агуманитартә проблематикеи рыӡбара аформат ала имҩаԥысуеит.

Жәларбжьаратәи женеватәи аиҿцәажәарақәа рхықәкы хаданы иҟоуп ихьыԥшым Аԥсни Аахыҵ Уаԥстәылеи  ршәарҭадара ашьақәыргылара,  иара убас ганкахьала Қырҭтәылеи Аԥсни, даҽа ганкахьала Қырҭтәылеи Аахыҵ Уаԥстәылеи рыбжьара амч ахамырхәаразы аганқәа зегьы азинтә ҭакԥхықәра рыдызҵо аиқәшаҳаҭра анапаҵаҩра алыршара.