Ҭеваз Ачба иажәақәа рыла, сынтәа аура цәгьоуп ҳәагьы уҳәаратәы иҟам.

«Аԥсны бжьаратәла шықәсык ала 30 – 40 тонн рҟынӡа аура еизыргоит.  Шықәсык-ҩышықәса аура бзиазар алшоит, аха нас уи еиҳа еиҵахоит. Уи абжьааԥнытәи цәырҵроуп ацитрустә шәырқәа рзы»,  – ҳәа иазгәеиҭеит Ҭеваз Ачба.

Амармалташьтә пты сынтәатәи аура аныррас ианаҭеи ҳәа азҵаара аҭак ҟаҵо,  Ҭеваз Ачба уи сынтәа митәык аура аԥырхага анамҭаӡеит ҳәа аҭак ҟаиҵеит.

«Шықәсқәак раԥхьа Аԥсны амармалташь пты ҳәа иҟоу апроблема ыҟан. Уи жәаҳәарада амандаринақәа рхаҭабзиара ианымԥшыр залымшахеит. Сынтәа ҳара ус еиԥш апроблема ҳамаӡам, амандаринақәа ианаамҭоу ирхәышәтәуеит, ишахәҭоу ала аус рыдырулоит. Ҳара есышықәса апты ақәгара азы ашҳам злоу ахимиатә маҭәашьарқәа рзоужьра мҩаԥаагоит, убри аҟнытә иарбоу аԥхасҭа-зырҿио ахәаҷа-маҷа хкы  иадҳәалоу апроблемақәа акыр иагхеит», –  ҳәа иҳәеит иара.

Иара убас Аԥсны ахәырмеи афеихои реизгара иалагеит, аха ақыҭанхамҩа Аминистрра аҿы иҟарҵаз адыррақәа рыла, конкретла аихшьаалақәа рыҟаҵара заацәоуп.

Аԥсны ацитрустә сезон жьҭаарамза инаркны хәажәкыранӡа имҩаԥысуеит, аха уи ашыкьаҳәымҭаны иҟоуп ԥхынҷкәынмза.