Ари  иаанаго аамҭақәа зегьы раан арҵаҩы изанааҭ акраҵанакуан. Ари акыр имариам усуроуп, уи зыԥсы цқьоу, аиашара иадгыло, иаԥсоу атәылауаа рааӡара иазырхоуп. Ари ахықәкы анагӡара залыршахом  сзанааҭ тә уалԥшьа ламысцқьала иазнеиуа арҵаҩы ида.  Ашкол аҿы аҵара зҵо дарбанызаалак аҵаҩы  иара итәала аҟыбаҩ иламкәа дҟалашам, аха уи аарԥшреи арҿиареи рзы  зегьы азнеишьа ҷыда рҭахуп. Апедагогикатә ҟазара  аҿы ихадараны иҟоуп аҵаҩцәа зегьы рыҩныҵҟатәи адунеи, рхаҭашьара аарԥшра алыршара», - ҳәа иҳәеит иара.

Анаҩс арҵаҩцәа рҿаԥхьа арҿиаратә программа ала иқәгылеит апрофессионалтә актиорцәеи Аҟәа ақалақь абжьаратәи ашколқәа рҵаҩцәеи.

Дара асовет аамҭазы иаԥырҵаз  еицырдыруа ашәақәа нарыгӡеит, ажәеинраалақәа, иара убас ашколтә тематикала иҩу Фазиль Искандери Андреи Дементиеви ррепертуар аҟынтәи  апрозеи ирыԥхьеит. Апрограмма афинал аҿы арҵаҩцәа зегьы  ашәҭшьыҵәрақәеи агәаларшәагатә ҳамҭақәеи рырҭеит.  

Арҿиаратә хәылԥазы арежиссиор-ақәыргылаҩыс дыҟоуп Аԥсны зҽаԥсазтәыз артист, атеатр арежиссиор Џьамбул Жорданиа.

Аусмҩаԥгатә еиҿнакааит Москва ақалақь адәныҟаекономикатәи жәларбжьаратәи аимадарақәа Рдепартамент, Москва ақалақь Аҳәынҭқарратә Автономтә Усбарҭа «Аҳәаанырцә иҟоу аџьынџьуаа  аусуратәи агуманитартәи  аус рыцура Ацентр – Москватәи аидгьылҩы Иҩны» - «Аҟәа ақалақь аҿы иҟоу Москва Аҩны».