Аԥсны Аҳәынҭқарра апроблемақәеи аҭаххрақәеи рыӡбара аганахьала Шәара хаҭала иаашәырԥшуа ахшыҩзышьҭра, изеиԥшразаалак иуадаҩу аҭагылазаашьақәа раан адгылара аҟаҵара шәазхиара акыр пату ақәаҳҵоит. Хаҭала Шәара шәлгала дууп Аԥсни Урыстәылеи реимабзиаратә еизыҟазаашьақәа рыҿиара аҿы. Агәра ганы сыҟоуп, Аԥсадгьыл амаҵура иазырхоу шәусура аринахысгьы Урыстәылатәи Афедерациеи Аԥсны Аҳәынҭқарреи рыбжьара аиҩызаратә еизыҟазаашьақәа рыҿиара ишацхраало», - ҳәа иазгәаҭоуп адныҳәаларатә цҳамҭа аҟны.
Аслан Бжьаниа Рашид Нургалиев агабзиареи ахирреи анаҩстәи иусураҿы ақәҿиарақәеи аманшәалареи изеиӷьаишьеит.
«Рашид Гумар-иԥа, аҭагылазаашьа схы иархәаны ишәзеиӷьасшьар сҭахуп агәабзиара, агәамч, ақәра ду, шәнапы злаку амаҵзураҟны аихьӡарақәа», ҳа иазгәаҭоуп адныҳәаларатә цҳамҭа аҿы.
