Аџьшьаратә шәҟәқәа ранашьара мҩаԥго, аминистр иҳәеит: «Аԥхынра ҳара ҳреспублика аԥсабаратә цәырҵрақәа ирыдҳәаланы акыр ауадаҩрақәа ирықәшәеит. Убри аан ҳара зегьы урҭ рыԥхьырҟәҟәааразы иҳалшоз зегьы ҟаҳҵон. Аиҳарак ааха зауз Гагра араион ауп, араҟа аӡы рыҵалеит 1100 ҩны инареиҳаны. Аиҳарак ааха роуит Лӡааи Ԥсахареи ақыҭақәа. Ақәыршҩы иахҟьаны аихамҩа ҵнаӡәӡәааит, адәыӷбақәа рныҟара аанкылеит. Ишьақәгылаз аҭагылазаашьаҿы Амилаҭтә туристтә Еилазаара амашьынарныҟәцаҩцәеи Аԥснытәи Аихамҩа аусзуҩцәеи еицхырааны  3000-ҩык инареиҳаны ауаа рыиагара еиҿыркааит. Ари акыр зымҽхак ҭбаау усуроуп. Шәара азеиԥш ус ахь шәлагала ахә ашьара уадаҩуп», – ҳәа иҳәеит Ҭеимураз Хишба.  Аџьшьаратә шәҟәқәа ранашьахеит Руслан Цушба, Мираб Ҳагба, Зураб Цушба, Павел Ԥхазариа, Ремзи Кардиа, Џьума Ӡкуиа, Алмысхан Анталаа, Едгар Аиба, Ҭемыр Аҩӡба.