Аныҳәатә усмҩаԥгатәқәа рылахәхаразы Аԥсныҟа иаауеит Урыстәыла, Аахыҵ-Уаԥстәыла, Приднестровие аҟынтәи хатәгәаԥхарала еибашьуази аҳәаанырцәтәи адеаспора ахаҭарнакцәеи.

29.Цәыббра.2023

Акьыԥхьра

Аныҳәатә усмҩаԥгатәқәа рылахәхаразы Аԥсныҟа иаауеит Урыстәыла, Аахыҵ-Уаԥстәыла, Приднестровие аҟынтәи хатәгәаԥхарала еибашьуази аҳәаанырцәтәи адеаспора ахаҭарнакцәеи.

Аҟәа. Цәыббрамза 29, 2023 шықәса. Аԥсныпресс. Аԥсны жәлар Рџьынџьтәылатәи еибашьраҿы Аиааира агара Амш 30-шықәса ахыҵра иазкны имҩаԥгахо аныҳәатә усмҩаԥгатәқәа рылахәхаразы Аԥсныҟа иаауеит Урыстәылатәи Афедерациа Афедералтә Еизара Афедерациа Ахеилак аделегациа, Ареспублика Башкортосҭан, Ҟабарда-Балкариатәи Ареспублика, Ҟарачы-Черқессиатәи Ареспублика, Адыгатәи Ареспублика, Чечентәылатәи Ареспублика, Нхыҵ Уаԥстәылатәи Ареспублика–Аланиа, Краснодартәи атәылаҿацә, Ленинградтәи аобласть, Аахыҵ Уаԥстәылатәи Ареспублика, Приднестровтәи Молдавтәи Ареспублика рҟынтәи аделегациақәа.

Аахыҵ Уаԥстәылатәи Ареспублика Ахада Алан Гаглоев напхгара зиҭо аделегациа аилазаараҿы иҟоуп атәылахьчара аминистр Марат Павлов, адәныҟатәи аусқәа рминистр Ахсар Џьиоев, Аҳәынҭқарра Ахада ицхырааҩ Алан Ԥлиев.

Нхыҵ Уаԥстәылатәи Ареспублика–Аланиа аделегациа напхгара аиҭоит ареспублика Ахада Сергеи Мениаило.

Ареспублика Ахада Ради Хабиров напхгара зиҭо Башкортосҭан Ареспублика аделегациа аилазаараҿы иҟоуп Анапхгара аԥыза-министр Андреи Назаров, Башкортосҭан Ахада Иусбарҭа анапхгаҩы Максим Забелин.

Ленинградтәи аобласть аделегациа напхгара аиҭоит Ленинградтәи аобласть Анапхгара ахантәаҩы актәи ихаҭыԥуаҩ – афинансқәа ркомитет ахантәаҩы Роман Марков.

Ҟабарда-Балкариатәи Ареспублика аделегациа напхгара аиҭоит ареспублика Ахада Казбек Коков.

Адыгеиатәи Ареспублика аделегациа напхгара аиҭоит Ареспублика Ахада Мураҭ Кумпилов.

Аҟәа ақалақь аҿы имҩаԥысуа аныҳәатә усмҩаԥгатәқәа рхы аладырхәуеит Ҟарачы-Черқьессиатәи Ареспублика Ахада Рашид Темрезов, Апарламент ахантәаҩы Алеқсандр Иванов, Ҟарачы-Черқессиатәи Ареспублика Ахада Иусбарҭа анапхгаҩы Мурат Озов.

1992 -1993 шш. Аԥсны жәлар Рџьынџьтәылатәи еибашьра аҿы Аиааира агара Амш 30-шықәса ахыҵра азгәаҭара иазку аныҳәатә усмҩаԥгатәқәа рхы аладырхәуеит хатәгәаԥхарала аԥсуаа ирывагыланы еибашьуаз, Нхыҵ Кавказтәи аиашьаратә республикақәа рҟынтәи иааз аибашьцәа-аветеранцәа.

Аныҳәатә усмҩаԥгатәқәа рылахәхаразы Аԥсныҟа иааит Ҭырқәтәыла, Иорданиа, Ливан иқәынхо аԥсуа диаспора ахаҭарнакцәа.

Read 235 times - Ахәаша, 29 Цәыббра 2023 21:44

Иҵегь ари акатегориаҟны « Аҳәса-аветеранцәа, аибашьра аинвалидцәа 10 нызықь мааҭ рҟынӡа инаӡо зныктәи аԥаратә цхыраагӡатәқәа рызшәахеит. Аракетатә дәыӷба “Циклон» Аҟәатәи амшынтә баӷәаза иаадгылеит. »

Хыхь

«	Лаҵара 2024					»
Ашә	Аҩа	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

АЖӘАБЖЬҚӘА