Аҟәа. Цәыббрамза 27, 2023 шықәса. Аԥсныпресс. Аслан Бжьаниа Аԥсны Аҳәынҭқарратә шәарҭадара амаҵзура аилазаара Аиааира амш рыдиныҳәалеит.
Адныҳәалараҟны иҳәоуп:
"Ишәыдысныҳәалоит Аиааира амш!
Аԥсны Аҳәынҭқарратә шәарҭадара амаҵзура Аоперативтә усмҩаԥгатәқәа рымҩаԥгара амаҵзуреи Иҷыдоу анапынҵа змоу ацентри хаҭалатәи реилазаара хамеигӡарада имҩаԥырго аԥсадгьыл амаҵзуразы иҭабуп ҳәа расҳәарц сҭахуп.
Арҭ амаҵзурақәа ирныԥшуеит апрофессионализм ҳаракы, лҵшәа бзиала аусура, аҭакԥхықәра, арратәи алеишәатәи зыҟаҵара.
Аԥсны Аҳәынҭқарра атәылауаа ршәарҭадара ахылаԥшреи аконституциатә шьақәгылашьа ахьчареи – аҳәынҭқарра ашәарҭадара асистемаҟны акрызҵазкуа акы акәны иҟоуп. Ари ауснагӡатә шәара анагӡара шәылшоит ҳәа азгәасҭарц сҭахуп.
Аԥсны жәлар рзы аҵак ду змоу Аиааира амш азгәаҭара аламҭалазы ҳара иаҳгәалаҳаршәоит ҳфырхацәа, змаҵура анагӡараан иҭахаз ашәарҭадаратә усбарҭақәа русзуҩцәа. Урҭ хашҭра рықәым!
Аҳәынҭқарратә шәарҭадара амаҵзура аилазаара аусзуҩцәа зегьы ирзеиӷьасшьоит ахачҳара, аихьӡарақәа имҩаԥырго аусураҟны. Агәабзиара, аҭынчра, аизҳазыӷьара хаҭала, ҩнаҭала».
Аусмҩаԥгатә иалахәын Ахада Иадминистрациа Анапхгаҩы Абесалом Кәарҷиа, адәныҟатәи аусқәа рминистр Инал Арӡынба, ашәарҭадара азҵаарақәа рзы Ахада иабжьгаҩ Рауль Лолуа, амчратә еилазаарақәа рхаҭарнакцәа.
