Апроект аурыс культура аҳәаанырцә апопулиаризациа, аҭоурыхтәи акультуратәи атрадициақәа реиқәырхара, аҿар рырҿиаратә баҩхатәра арҿиара, иара убас Урыстәылеи Москвеи жәларбжьаратәи акультуратә еимадарақәа рырӷәӷареи рырҭбаареи хықәкыс иамоуп.
25.Цәыббра.2023
Ацәыргақәҵа “Москва доусы игәаҿы” Москва Аҩны аҿы иаатит.
Аҟәа. Цыббрамза 25, 2023 шықәса. Аԥсныпресс. Ахәыҷтәы ҭыхымҭақәа рцәыргақәҵа «Москва доусы игәаҿы» аатит Аҟәа иҟоу Москва Аҩны аҿы. Аекспозициа аҿы ицәыргақәҵоуп 6 шықәса инаркны 17-нӡа зхыҵуа еиуеиԥшым атәылақәа рҟынтәи – Москва ақалақь адәныҟаекономикатәи жәларбжьаратәи аимадарақәа Рдепартаменти Москватәи аидгьылуаа Рыҩни рыла еиҿкаау еихьӡылоу аконкурс алауреатцәеи аиааиара згахьази асахьаҭыхыҩ ҿарацәа русумҭақәа.
Аекспозициа иаҭаауа асасцәа «Москва ахәыҷқәа рзы», «Москва аныҳәатә», Ашәышықсақәа, ашықәсқәа ирылҵны иааз ақалақь», уҳәа атемақәа рыла иаԥҵоу Белоруссиа, Испаниа, Гватемала, Болгариа, Катара, уҳәа егьырҭ атәылақәа жәпаки рҟынтәи асахьаҭыхыҩ ҿарацәа русумҭақәа рбар рылшоит. Аусумҭақәа ирнубаалоит Москва ақалақь аҭыԥ ԥшӡарақәа, аҳҭнықалақь апеизажқәа, аныҳәатә ақалақьтә атмосфера, иара убас ахәыҷқәа рыблала ақалақь аҭоурых. Аусумҭақәа еиуеиԥшм атехникақәа: аӡшәыгала, апастель, аграфика, аҿыханҵа, уҳәа рыла инагӡоуп.
Аусумҭақәа рхыԥхьаӡараҿы иҟоуп аҭыхымҭа «Аиаҵәара ҭалаҳәоу Москва». Уи автор, аконкурс «Москва доусы игәаҿы» алауреатс иҟалаз, Даур Бигәаа ихьӡ зху Гәылрыԥшьтәи абжьаратәи ашкол аҵаҩы Дарина Соиа.
