Ари ахықәкы анагӡара азы Аԥсны ауааԥсыреи асасцәеи афестиваль алахәхаразы радыԥхьалара иазкны Арт-фестиваль аҿы еиуеиԥшым аформақәеи аметодқәеи ахархәара роуеит, акультура, аҟазара, ажәлар рҟазара иадҳәалоу еиуеиԥшым ажанрқәа рыдгалара азы афестиваль аҵакырақәа быжьба еиҿкаахоит.
«Афестиваль апринцип хадақәа ируаку уи ашьақәгылашьеи аиҿкаареи алахәылацәа рзы еиԥш аҭааҩцәа рызгьы имарианы аилкаара алыршара, арманшәалара. Афестиваль рхы аладырхәыр алшоит уи азы агәазыҳәара шрымоу азы аиҿкааратә комитет ахь азыҳәамҭа алазҵаз зегьы.
Аусмҩаԥгатә амҩаԥгара аамҭа: асааҭ 12:00 инаркны асааҭ 21:00 рҟынӡа.
