Сара сгәаанагарала абас еиԥш аформа змоу адискуссиақәа  рымҩаԥгара ҟалоит. Иазхәыцтәуп иарбан форматла урҭ рымҩаԥгара ахәҭоу. Адискуссиақәа рҿы алахәылацәа зегьы рзы еиҟароу аҭагылазаашьақәа аԥҵазароуп. Ас еиԥш иҟоу аформат аҿы, сгәы иаанагоит, аминистргьы мап ацәикрым, иара егьырҭ анапхгара ахаҭарнакцәагьы иазхиазаауеит адискуссиақәа рылахәхара», – ҳәа иазгәеиҭеит Сергеи Шамба.

Аоппозициа цәыббрамза 16 рзы зыдгалара мҩаԥнагаз аформат акәзар, уи, Сергеи Шамба иажәақәа рыла, аполитикатә партиақәа рыҩаӡараҿы ауаажәларра ргәы иҵхо еиуеиԥшым апроблемақәа рылацәажәаразы еиҳа иақәшәоит.

Сергеи Шамба адиалог иаҵоу хра злоу аҵакы инаҵшьны иазгәеиҭеит.

«Ҳара иҿоу аҳәынҭқарра ҳаргылоит. Ҳара имаҷымкәа еиуеиԥшым апроблемақәа ҳамоуп, урҭ хымԥада алацәажәара аҭахуп. Аӡәгьы иахьа изҳәаӡон иара мацара иоуп аҵыхәтәантәи аинстанциа аҿы аиаша знапы иаку ҳәа.  Ҳҳәынҭқарраҿы ицәырҵуа апроблемақәа, ҳара зегьы ҳзы иҿыцуп, араҟа акыр аҵанакуеит атәыла амчреи ауаажәларреи, еиуеиԥшым аполитикатә партиақәеи рыбжьара аконструктивра злоу ацәажәара ашьақәгылара акыр аҵанакуеит», – ҳәа иазгәеиҭеит Ашәарҭадара Ахеилак Амаӡаныҟәгаҩ.

Цәыббрамза 16 рзы аполитикатә партиақәа  Аԥсны жәлар ракзаара Афорум, «Аԥсны», ауаажәларратә еиҿкаарақәа «Аруаа», «Ҳара ҳаҳҭнықалақь», Аԥсны жәлар Реиҿкаара, «Ахьаца», «Аамҭа», иара убас акультуреи анаукеи русзуҩцәа гәыԥҩык атәыла адәныҟатәи аусқәа рминистр Инал Арӡынбеи Аҳәынҭқарра Ахада Иусбарҭа анапхгаҩы Абесалом Кәарҷиеи цәыббрамза 19, асааҭ 12.00 рзы аусуратә Центр «Гәдоу-плаза» аҿы иаарту адиалог амҩаԥгаразы ааԥхьара рырҭеит.