Иара ақыҭауаа рыбжьара апрофилактикатә гәаҭареи рдиспансеризациеи шымҩаԥысуа гәеиҭеит, анҭыҵтәи аусмҩаԥгатә аиҿкаара ахәшьара ҳарак аиҭеит.
Аминистр иара убас Ԥсҳәы ақыҭаҿы инхо ауаа дрыҿцәажәеит. Урҭ аиҳарак ирызцәырҵуа ачымазарақәа ирылацәажәеит, иара убас аҵыхәтәантәи 30 шықәса раахыс рқыҭаҿы иҩаԥымсыцыз ас еиԥш амҽхак змоу адиспансеризациа амҩаԥгара азы аминистр иҭабуп ҳәа иарҳәеит.
Адунеизегьтәи аԥсуа-база жәлар Рконгресс ацхыраарала имҩаԥысыз адиспансеризациа аихшьаалақәа рыла, астатитика аԥҵахоит. Аоперативла ахәышәтәра зҭаху апациентцәа зегьы Ареспубликатә хәышәтәырҭаҿы, Аԥсны егьырҭ амедицинатә усбарҭақәа рҿы, иаҭаххоны иҟалозар, Урыстәыла аклиникақәа рҿы иахәҭоу амедицинатә цхыраара роуртә аҭагылазаашьа аԥҵахоит.
Иара убас агәабзиарахьчара Аминистрра ала Ԥсҳәы ақыҭа афелшар-аԥҳәысеилыргаратә Пункт азы ахәшәқәа азоужьхеит. Аиҳарак уи раԥхьатәи амедицинатә цхыраара аҭара иазку апрепаратқәа роуп. Иара убас иарбоу афелшар-аԥҳәысеилыргаратә Пункт ашоурартәагатә, аҿкыҿагыларатә, аллергиа рҵысҩы иаҿагыло, уҳәа егьырҭ ихымԥадатәиу ахәшәқәеи амаҭәашьарқәеи рыла еиқәыршәахеит.
