«Ҳара Ҟазахсҭани егьырҭ атәылақәеи аус рыцура алыршахап ҳәа агәыӷра ҳамоуп. Ҳара аҳәаа ахысра аганахьала апроблема ҳамаӡам, ҳара ҳҿы ишәарҭаӡам. Ҳшәарҭадара агәрагага аҳасабала  игылоуп Урыстәыла, уи ҳара даара пату ақәаҳҵоит, Аҳәынҭқарра аԥыза Ду иҳаиҭо адгыларазы иҭабуп ҳәа ҳҳәоит. Урыстәыла Аԥсны ианаҭо адгылара ажәытә жәлар аиқәырхара аус аҿы ароль дуӡӡа нанагӡоит», - ҳәа иҳәеит Ҭеимураз Хишба.

Ҭеимураз Хишба, ареспублика аҟазшьа ҷыдақәа иреиуоу – аҳәынҭқарраҿы инхо милаҭ рацәала еилоу ауаа роуп.

«Аԥсны - ари даара ижәытәӡоу тәылоуп, Аԥсны аҳәынҭқаррарара 1200 шықәса иреиҳаны иахыҵуеит. Аԥсны  -аԥсуаа ртәыла ауп, гәҭакы бзиала иаҳҭаауа зегьы гәахәарыла ҳарԥылоит. Аԥсны- ари ҳәаак аҟынтәи даҽа ҳәаак аҟынӡа 170 километр зыбжьоу, 205 километр рҟынӡа  аплиаж зҵазкуа, адунеи аҿы зегьы раасҭа акарсттә ҳаԥқәа ахьыҟоу тәылоуп.  Ҳара ҳтәыла- зегь реиҳа аӡрыжәтә ала еиқәыршәоу хә-тәылак рхыԥхьаӡараҿы иҟоуп», - ҳәа иҳәеит Ҭеимураз Хишба.

І Жәларбжьаратәи атуристтә форум аусуратә программа  иалагалоуп апартниорра апринцип хадақәеи ирласны зҽеиҭазкуа аџьармыкьа акониуктура ҳасаб азуны аусуратә еикәыршареи, ахырхарҭа рацәала Урыстәыла адиалог абжьаҵареи аҿиареи иазҿлымҳау апартниорцәеи аҳәынҭқаррақәеи рыла аекономикатә еимадара арӷәӷәара, атуризм аусхкы иҭышәынтәалоу аҿиара аҿы ҷыдала аҵакы змоу аперспектива злоу апроектқәеи аԥшьгарақеи рылацәажәара.