Аҟәа. Цәыббрамза 9, 2023 шықәса. Аԥсныпресс. Ҳазҭоу ашықәс жьҭаарамзазы Башкириа Ахада Ради Хабиров иӡбамҭала, зықәрахь инеихьоу ареспублика ауааԥсыра рзы апроект «Башкиртәи ашықәснҵыраду. Атуризм» агеографиа арбҭаара аҳәаақәа ирҭагӡаны Аԥсныҟа аԥышәатә тур амҩаԥгара азԥхьагәаҭоуп. Башкириа аԥыза-министр Андреи Назаров ителеграм-канал ахь азхьарԥш ҟаҵо абри атәы аанацҳауеит «Башинформ».
Аилыркаагатә тур амҩаԥгара азԥхьагәаҭоуп 46-ҩык рыла ишьақәгылоу агәыԥ азы.
«Аныҟәара анхыркәшахалак ашьҭахь уи иалахәыз ҳарԥыланы ҳрыҿцәажәоит, еилаҳкаауеит иргәаԥхаз, иргәамԥхаз атәы, анаҩс ҳаԥхьаҟа апроект «Башкириа-аԥснытәи ашықәснҵыраду. Атуризм» ҳаԥхьаҟа анагӡара азы аӡбамҭа ҳадаҳкылоит», - ҳәа инаҵшьны иазгәеиҭеит Андреи Назаров.
Аԥсны рыҟазаара хәымш ирылагӡаны Башкириатәи «араӡнытә» туристцәа аӡиа Риҵа, Сталин идача иаҭааны ирбоит, Афон Ҿыц аҭыԥ ԥшӡарақәа рыблала ирбоит, иара убас, жәаҳәарада Амшын Еиқәа аԥшаҳәа аҿы рыԥсы ршьоит.
«Ҳара, апрограмма «Башкириа-белорусстәи ашықәснҵыраду» аҿы еиԥш, ари аныҟәара афинанстәра ҳхы алаҳархәуеит. Атур азеиԥш ахәԥса ахь иалагалахоит авиамҩасра «Уфа-Шәача –Уфа», 4*змоу аотель ҩыџьа рҭыԥ змоу аномер аҿы анхара, атрансфер, аекскурсиамҩаԥгаҩ дызцу аекскурсиақәа, шьыжьхьафара, абгаԥса, — ҳәа иазгәеиҭеит Башкириа аԥыза-министр Андреи Назаров.
— Уажәы аофициалтә саит аҿы ҷыдала аҟәша аус адулара мҩаԥысуеит, араҟа изҭаху зегьы азыҳәамҭақәа аларҵар ҟалоит. Аԥсныҟа атурқәа рыркаара азы алшарақәа раԥҵара азы адырра инацҵаны иҟалоит.
