«Ҳара ари аконкуренциа аҿы ҳаҵахар ҟалаӡом. Уи азы еффективла, ҳәоуеиқәшәарала аусура ахәҭоуп. Ҳара илаҟәу аконкурентлшаразы азин ҳамаӡам. Абар уажәы ҩаԥхьа ҳара аҭоурыхтә амҩеиҿысырҭа аҿы ҳаҟоуп. Иахьа иӡбахоит ҳҳәынҭқарра уаҵәтәи аԥеиԥш зеиԥшрахо», - ҳәа инаҵшьны иазгәеиҭеит аминистр.

«Адипломатиа – ари аҩганктәи ахырхарҭа змоу мҩоуп. Аинтересқәа рбаланси  наҟ-ааҟтәи афундаменталтә дипломатиатә принципи рықәныҟәара ахәҭоуп», - ҳәа аҳәамҭа ҟаиҵеит Инал Арӡынба. Аминистр Урыстәылатәи Афедерациеи Аԥсны Аҳәынҭқарреи рыбжьара аизыҟазаашьақәа принциапиалла рхарҭәаара иаҵоу аҵакы ахадара азгәеиҭеит.

Инал Арӡынба Аԥсни Урыстәылеи Рырбџьармчқәа еидҵоу инагӡоу архәҭақәа ргәыԥқәа раԥҵара азҵаара аконтекст аҿы иҳацәцаз алшарақәа ртәы далацәажәеит.  Уи иара убас аҳәынҭқарратә дача Пицунда азҵаара ахәаԥшраҿы аинформациатә мҩаԥгара аԥсны-урыстәылатәи адиалог акыр иаԥырхагахеит ҳәа аҳәамҭа ҟаиҵеит.  

«Ииашоу апатриотизм хра злоу аҵакы ала игәылҭәаазароуп. Уи, зегьы раԥхьаӡа иргыланы, аусқәеи алҵшәақәеи, ихшыҩрку анализ, ииашоу алкаақәеи аӡбамҭақәеи роуп. Аемоциақәа шьҭахьҟа ургоит, ҳаӷацәа ирыхәо ауп иҟало».

Инал Арӡынба аекономика, ар, асоциалтә сфера амодернизациа – ари зыԥшра ҟамҵакәа иӡбатәу зҵаарақәоуп, избан акәзар Аколлективтә Мрагылара Алада Кавказ ашәарҭадара асистема аԥыхра азы аҽазышәарақәа ҟанаҵоит ҳәа инаҵшьны иазгәеиҭеит. «Ҳара аекономикатә ҿиаразы иҿыцу ахыҵхырҭақәа ҳрызхәыцыроуп. Ари Аҳәынҭқарра Ахада есыҽны хаҭала ахылаԥшра зиҭо азҵаара ауп. Аҳәынҭқарра Ахада адгылара иҭатәуп».

«Урыстәыла – ҳадәныҟатәи аполитика иагәыцәуп. Урыстәыла аизыҟазаашьақәа ҳцәыӡыр – адунеи зегьы аҿы иреиҳау аҳәынҭқаррақәа иреиуоу ҳадгылаҩ хада ицхыраара ҳцәыӡуеит», - ҳәа иҳәеит аминистр.