Ацентр ахатәы усура ауааԥсыра рсоциалтә хьчара, ахылаԥшра, абикунра, аҵарадырра, уҳәа аусхкқәа рҿы аус зуа аҳәынҭқарратәи амуниципалтәи аҵарадырратә еиҿкаарақәа, амедицинатә еиҿкаарақәа, аҩныҵҟатәи аусқәа русбарҭақәа, зықәра наӡам русқәеи рзинқәа рыхьчареи рзы акомиссиақәа, иара убас ауаажәларратәии егьырҭ аиҿкаарақәеи, иара убас Москватәи аобласть аҳәынҭқарратә мчра анагӡаратә усбарҭақәа, Москватәи аобласть амуниципалтә еиҿкаарақәа аҭыԥантәи ахаланапхгаратә усбарҭақәа, Москватәи аобласть асоциалтә ҿиара Аминистрра атерриториалтә ҟәшеиҵақәа рымадарала инанагоит.
Ацентр аҿы астационартә еиԥш ҽынлатәи амаҵзурақәа нарыгӡоит.
Аус руеит абарҭ амаҵзурақәа:
- ахәыҷқәа комплексла ацхыраара рыҭара (астационар);
- аҭаацәеи ахәыҷқәеи ацхыраара рыҭара;
- ахәыҷқәа зхылҵыз аҭаацәа рмыцхәрас ицәырҵуа аҭаацәа реидҳәалара;
- аинтернат аужьҭымҭацәа ахылаԥшра рыҭара;
- апсихолого-педагогикатә цхыраара рыҭара;
- амедицина-социалтә реабилитациа;
- аҭыԥантәи асоциалтә маҵзура;
- аконсультативтә цхыраара рыҭара.
Ахәыҷы изинқәа рыхьчаразы Азинмчы змоу (аомбудсмен) амаҵзурақәа зегьы дырҭааны урҭ аусзуҩцәа дрыҿцәажәеит, ахәыҷқәа рыҟазаара аҭагылазаашьақәа гәалҭеит, иҟоуп дзыҿцәажәаз ахәыҷқәагьы.
Ацентр аҭаара иалагӡаны Москватәи аобласть асоциалтә ҿира Аминистрра аокругтә усбарҭа анапхгаҩы Игорь Момонини Москватәи аобласть асоциалтә ҿира Аминистрра аокругтә усбарҭа анапхгаҩы ихаҭыԥуаҩ Ирина Киосеи рԥылара еиҿкаахеит.
Дара Москватәи аобласть абекунра аусбарҭа аус шауа атәы инарҭбааны иалацәажәеит, ахәыҷқәа рзинқәеи ринтересқәеи зыхьчо еиуеиԥшым аусбарҭақәа рхаҭаранакцәеи дареи русеицура шымҩаԥысуа еиҭарҳәеит, зықәра наӡам рзинқәеи ринтересқәеи рыхьчара азы русура анагӡара злашьаҭарку анорма-зинтә база иазааҭгылеит.
Аԥсны ахәыҷы изинқәа рыхьчаразы Азинмчы змоу Мактина Џьынџьалԥҳа лажәақәа рыла, аиԥылара даара хра злоу аҟазшьа аманы имҩаԥысит, уи ашьҭахь иаанхеит Аԥсны Акризистә Центр аартраан иухәаша аконтактқәа, аиқәшаҳаҭрақәа аинформациа маҷымкәа.
