Аҟәа. Нанҳәамза 30, 2023 шықәса. Аԥсныпресс. Нанҳәамза 26 – 27 рзы Смоленск ақалақь аҿы имҩаԥысит Урыстәыла аенергоатом Аконцерн амҵәышәмпыл 3х3 Жәларбжьаратәи афестиваль «Лига регионов». Уаҟа қәҿиарала иқәгылеит Аԥсны акоманда.
Смоленсктәи аҳәынҭқарратә аспорт ауниверситет атренер Павел Захаров иажәақәа рыла, аԥснытәи амҵәышәмпыласыҩцәа ицәгьамкәа рхы аадырԥшит.
Цәыббрамза 2 аҟынӡа аԥснытәи аспортсменцәа аҽазыҟаҵара-ҵаратә еизгарақәа рхы аладырхәлоит, иҿыцу аицлабрақәа – Смоленск ақалақь 1360-шықәса ахыҵра иазку Урыстәыла аенергоатом Аконцерн амҵәышәмпыл 3х3 афестиваль «Смоленская Крепость» рхы аладырхәраны иҟоуп.
«Мышкала ҩ-ҽазыҟаҵарак мҩаԥысуеит. Ашьжьымҭан ҳара ахәмарыҩцәа ртехникатә ҽазыҟаҵара мҩаԥаагоит, ахәылбыҽха ахәмарра аицынагӡара аус адааулоит. Афункционалтә ҽазыҟаҵарагьы мҩаԥаагоит, нанҳәамза 2 аламҭалазы ҳапортсменцәа ибзиоу алҵшәақәа аадырԥшырц азы, Аԥснытәи аспорт абзиабаҩцәа дыргәырӷьарц азы», – ҳәа иҳәеит Павел Захаров.
