Аиааирақәеи аԥхьахәқәеи згаз зегьы иҷыдоу аҳамҭақәа ранашьахеит. Аусмҩаԥгатә аиҿкаара ахахьы иагеит Аԥсны аҿари аспорти русқәа рзы аҳәынҭқарратә Еилаки Аԥсны амҵәышәмпыл Афедерациеи адгылара зырҭо ҳаамҭазтәи аспорттә технологиақәа Рцентр.
28.Нанҳәа.2023
«Гәдоуҭа» – Сергеи Багаԥшь игәалашәара иазкны имҩаԥгаз амҵәышәмпыл 3х3 азы Ахраҿагара аҿы аиааира агеит.
Аҟәа. Нанҳәамза 28, 2023 шықәса. Аԥсныпресс. Акомнада «Гәдоуҭа» Сергеи Багаԥшь игәалашәара иазкны имҩаԥгаз амҵәышәмпыл 3х3 азы Ахраҿагара аҿы аиааира агеит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Елакы.
Аҩбатәи аҭыԥ ааннакылеит гагратәи акоманда «Real», ахԥатәи аҭыԥ - драндатәи акоманда.
Зынӡа атурнир рхы аладырхәит 12 команда. Арҭ аицлабрақәа амҵәышәипыл 3х3 азы Иаарту арегионбжьаратәи алига алахәхаразы алԥшаааратә турнирны иҟан. Араҟа аиааира згаз Тула ақалақь аҿы имҩаԥгахо Лига адивизион Афинал ахь идәықәҵахоит.
