Аҟәа. Нанҳәамза 25, 2023 шықәса. Аԥсныпресс. Урыстәылатәи Афедерациа ала Аԥсны Аҳәынҭқарра ахьыԥшымреи асуверенитети азхаҵара ҟалеижьҭеи 15- шықәса аҵра инамаданы, Аԥсны аԥышәатә режим ала аусура иалагеит аелектронтә интернет-портал «Абхазия.РФ».
Амедиапроект «Аԥсни Урыстәылеи» ауаажәларратә еидгылара акультуреи аспорти адгылара аҭаразы Агәыҳалалратә Фонд «ЮнОлимп» (ақ. Москва) ацхыраарала «Аԥсны иқәынхо аурысцәа рхеилак» ала иаԥҵоуп.
Абизнесуаҩ Ҭемыр Заркуа иҿцәжәара иабзоураны, адомен «Абхазия.РФ» аԥсны-урыстәылатәи аҩганктәи аизыҟазаашьақәа рыҿиареи Аԥсны аинформациатә ҿиареи рзы Ауаажәларратә Еиҿкаара «Аԥсны иқәынхо аурысцәа рхеилак» ахантәаҩы Роман Риазанцев хәыда-ԥсада иаҭан.
Амедиапроект ахықәкы хаданы иҟоуп – Аԥсни Урыстәылеи рыбжьара аиҩызаратәии аимабзиаратәи аизыҟазаашьақәа рыҿиареи рырӷәӷәареи.
Апроект ахықәы хаданы иҟоуп – Аԥсны Аҳәынҭқарреи Урыстәылатәи Афедерациеи рыбжьара аҩганктәи аизыҟазаашьақәа рырҿиара, иара убас ажәалагала ҿыцқәа реиқәыршәара, аԥшьгарақәа рылацәажәара, акультура, аҵарадырра, аспорт, амедицина, уҳәа еиуеиԥшым аусхкқәа рыла – еиуеиԥшым аумҩаԥгатәқәа реиҿкаареи рымҩаԥгареи.
Амедиапроект аофициалтә електронтә интернет-портал: https://Абхазия.РФ и http://AbkhaziaRF.ru. аҿы иҟоуп.
