Аҟәа. Нанҳәамза 25, 2023 шықәса. Аԥсныпресс. Аԥсны акикбоксинг Афедерациа ҭаҷкәымла аисратә клуб «Чемпион» ааӡамҭа Григор Оганиан Таиланд имҩаԥысуаз К-1 азы апрофессионалтә турнир аҳәаақәа ирҭагӡаны имҩаԥгаз аиндаҭлара аҿы Германиатәи аиндаҭлаҩ анакаут ала дииааит.
«16 шықәса зхыҵуа Григор Оганиан диԥылеит 27-шықәса зхыҵуа Германиатәи аиндаҭлаҩ, уи анакаут ала дииааит. Хә-раунд рыла ишьақәгылараны иҟаз аиндаҭлара, ҩ-раундгьы нагӡаны имҩаԥымсӡеит», – ҳәа иҳәеит аспортсмен изыҟаҵаҩ, Аԥсны кикбоксинг Афедерациа апрезидент ихаҭыԥуаҩ Нико Сааков.
Аиндаҭлара мҩаԥысуан нанҳәамза 18, Акралра Таиланд ақалақь Пхукете, еицырдыруа астадион Bangla Boxing Stadium аҿы К-1 азы изаамҭанытәиу аномертә апрофессионалтә турнир аҳәаақәа ирҭгӡаны.
Григор Оганиан 71 кьыла иҟоу акапантә категориа иаҵанакуа рыбжьара К-1 азы изаамҭанытәиу аномертә апрофессионалтә турнир ачемпион имаҟҿаҳәага Аԥсныҟа иааигеит.
