Иарбоу административтә зинеилагара азы аматериалқәа зегьы Аԥсны аҳәынҭқарратә ҳазылхратә Еилакы аҭҵаареи аҳазылхратә усеилыргарақәеи рыҟәша ахь инашьҭуп.
23.Нанҳәа.2023
Аҳазылхыҩцәа Цандрыԥшь ақыҭан аҭаҭын аалыҵ ааныркылеит.
Аҟәа. Нанҳәамза 23, 2023 шықәса. Аԥсныпресс. Аԥсны аҳәынҭқарратә ҳазылхратә Еилакы аконтрабати аҳазылхратә зинеилагарақәеи рҿагыларазы аусбарҭа аусзуҩцәа Цандрыԥшь ақыҭан ахыбрақәа руак аҿы ирыԥшааит Аԥсны Аҳәынҭқарра акцизатә дырга змамыз 137 пачка рҟынӡа аколиан азы аҭаҭын, иара убас иахәҭоу атауар - мҩаԥгаратә шәҟәынцҵа зцымыз 127 цыра афымцатә сигареҭ. Иарбоу аҭаҭын аалыҵ зегьы Аԥсны Аҳәынҭқарра аҳазылхратә ԥҟарақәа реилагарала Урыстәылатәи Афедерациа аҟынтәи Аԥсныҟа иааган, ҳәа адырра ҟанаҵоит Аҳәынҭқарратә ҳазылхратә Еилакы аофициалтә саит.
