Ацәыргақәҵа аҿы ицәыргақәҵоуп Аиааира Амузеи афондқәа рҟынтәи 200 инарзынаԥшуа аматериалқәа. Урҭ рхыԥхьаӡараҿы иҟоуп жәабала Курсктәи аибашьра атәы аазырԥшуа афотосахьақәа, ахсаалақәа, аусшәҟәқәа, агитациатә плакатқәа, аибашьра асахьаҭыхыҩцәа рҭыхымҭақәа, асаламшәҟәқәа, аибашьра иалахәыз рхатәы маҭәақәа иԥхьаӡацырку рсахьақәа, уҳәа убас иҵегьы. Ари аекспозициа аҭааҩцәа Курсктәи аибашьра ахронологиеи ари аибашьра иаҵаз аҵаки уи афырхацәеи рзы хәызмаӡам адыррақәа рызнанагоит.

Ацәыргақәҵа Аԥсны иҟоу Урыстәыла аус ацуразы Ахаҭаранкра, В.Г.Арӡынба ихьӡ зху Арратә Ахьӡ-Аԥша амузеи, Аҟәа ақалақь Ахадара аҿари аспорти русқәа рзы Аусбарҭа  иҟарҵаз адгылара иабзоураны еиҿкаахеит.  

Ацәыргақәҵа «Закат Цитадели» аамҭак ала имҩаԥысуеит Австриа, Азербаиџьан, Болгариа, Киргизиа, Ҭырқәтәыла, Молдавиа, Франциа, Иорданиа, Бельгиа, Казахсҭан, Китаи, Шри-Ланка, Таџьыкьысҭани Туркмениеи, ҳәа адырра ҟанаҵоит Аԥсны иҟоу Урыстәыла аус ацуразы Ахаҭарнакра.