Аҟәа. Нанҳәамза 21, 2023 шықәса. Аԥсныпресс. Апассаџьырцәа рымаҵ аура аҩаӡара ашьҭыхразы, цәыббрамза 1 инаркны Шәачеи Гагреи ирыбжьоу, «Ласточка» ҳәа изышьҭоу адәыӷбақәа реихшанҵа аҽаԥсахуеит, ҳәа Нхыҵ-Кавказтәи аихамҩа ахь азхьарԥш ҟаҵо адырра ҟанаҵоит адырраҭаратә ҭыжьымҭа «Кубанские новости» .
Цәыббрамза 1 инаркны астанциа Шәача аҟынтәи шәачатәи аҳаирбаӷәаза ахь анеирала Аԥсныҟа мышкахьы ҩ-реиск мҩаԥгахалоит. Гагрантәи адәыӷбақәа руак идуу амаршрут ала Шәачатәи астанциа аҟынӡа иныҟәалоит, аҩбатәи - астанциа Аҳаирбаӷәаза аҟынӡа ауп иахьныҟәало.
Аихамҩатә станциа Шәача аҟынтәи афымцатә дәыӷбақәа Аԥсныҟа идәықәҵахалоит 08 сааҭи 50 минуҭи рзы, иара убас 17 сааҭи 42 минуҭи рзы. Адәыӷбақәа Гагранӡа инаӡалоит 13 сааҭи 06 минуҭи рзы, иара убас 21 сасҭи 30 минуҭи рзы.
Гагрантәи адәыӷбақәа дәықәлалоит 13 сааҭи 26 минуҭи рзы, иара убас 21 сааҭи 40 минуҭи рзы. Ҽынлатәи авагонеиԥшьыра аихамҩастанциа Шәача ахь инеиуеит 17 сааҭи 24 минуҭи рзы. Иркьаҿу ареис назыгӡо, ахәылбыҽхатәи авагонеиԥшьыра аихамҩатә сҭанциа Аҳаирбаӷәаза аҟынӡа инаӡоит 00 сааҭи 40 минуҭи рзы, ҳәа адырра ҟанаҵоит Нхыҵ-Кавказтәи Аихамҩақәа апресс-маҵзура.
