Абҵарамза, 2022 шықәсазы иааит арҵагашәҟәқәа аҩбатәи апартиа 10 – 11 аклассқәа рҿы аҵара зҵо аҵаҩцәа рзы абарҭ амаҭәарқәа рыла: агеометриа, афизика, ахимиа, абиологиа, агеографиа, аҭоурых, аурыс бызшәеи алитературеи.
21.Нанҳәа.2023
Аԥсны аҵара Аминистрра 8 – 9 - тәи аклассқәа рҿы аҵара зҵо аҵаҩцәа рзы арҵагашәҟәқәа ахԥатәи апартиа аиураны иҟоуп.
Аҟәа. Нанҳәамза 21, 2023 шықәса. Аԥсныпресс. Урыстәыла аҵарадырра Аминистрра Аԥсны аҵарадырра Аминистрра иазоунажьит 8 – 9 - тәи аклассқәа рҿы аҵара зҵо аҵаҩцәа рзы арҵагашәҟәқәа ахԥатәи апартиа. Аамҭа кьаҿ иалагӡаны уи Аԥсныҟа иаашьҭхоит.
Уажәазы Аԥсны аҵара Аминистрра иаиураны иҟоуп 32 748 цыра арҵагашәҟәқәа, абарҭ амаҭәарқәа рзы: аурыс бызшәеи алитературеи, алгебра, Урыстәыла аҭоурых, азеиԥш ҭоурых.
Арҭ арҵага шәҟәқәа зегьы ареспублика ашколқәа рахь еихшахоит.
2022 шықәсазы 160 нызықь арҵагашәҟәқәа 1-7 аклассқәа рҿы аҵара зҵо аҵаҩцәа ирызшахоит, 34 нызықь – 10-11 аклассқәа рҿы аҵара зҵо аҵаҩцәа.
Нанҳәамза, 2022 шықәсазы Аԥсныҟа 1 - 7 аклассқәа рҿы аҵара зҵо аҵаҩцәа рзы иаашьҭын 160 нызықь рҵагашәҟәы. Арҵагашәҟәқәа ҭнажьит аҭыжьырҭа «Просвещение» 2022 шықәсазы.
