Аԥсны анефтьаалыҵқәа рыхәԥсақәа ашьақәгылара анефтьаалыҵқәа раахәаратә хәыԥсеи иназыцҵоу ахәԥсазы ашәахтәи (10%), аҳазылхратә еизгеи (1%), иара убас асертификациа азы ашәатәы (0,1%), абылтәы аагареи аҵәахреи рзы амаҵзурақәа рыхәԥса, уҳәа ҳасаб азуны имҩаԥысуеит. Анаҩс абылтәы аизакылаҭиреи азаҵәылаҭиреи рымҩаԥгараан абиуџьет ахь ишәатәхоит абылтәи ахьшьтәи рыҭиразы ашәахтә. Аизакылаҭира ахәԥса ашьақәырӷәӷәараан хымԥада ҳасаб азухоит уаанӡа иаахәаз анефтьаалыҵқәа рцәынхақәа амҽхаки урҭ рыхәԥсеи.

Абылтәы амарка АИ-92 литрак азы азаҵәылаҭиратә хәыԥса Аԥсны абылтәыҭирҭақәа рҿы рдинамика жәабранмза  2023 шықәса инаркны, Урыстәылатәи Афедерациаҿы абылтәы ахәԥса ашьҭыҵра инамаданы абасала ишьақәгылеит: жәабранмзазы - 40,0 - 41,50 мааҭ, хәажәкырамзазы – 43 мааҭ, мшаԥымзазы - 43,0 – 45,0 мааҭ, рашәарамзазы - 49,0 - 50 мааҭ, ԥхынгәымзазы – 52 - 55 мааҭ, нанҳәамзазы - 55 – 59 мааҭ. Ахәԥсақәа рҽыԥсахра абылтәытә џьармыкьа алахәылацәа иаархәо анефтьаалыҵқәа рыхәԥсақәа ирыдҳәалоуп.

Уажәы иҟоу, ахәаахәҭратә цҵа ашәагаа алагаларатә хәыԥсеи ахарџьқәеи рахь рхархәара ала ишьаҭарку ахәԥсақәа рҭышәынтәалара амеханизм аеффектра алоуп, уи ахәԥсақәа рҽеиҭакра аоперативла ақәҿыҭра азы алшара аԥнаҵоит. Уи аус шауа аабаратәы ҳаҟан абҵарамза, 2022 шықәса инаркны мшаԥымза, 2023 шықәсанӡа иҟаз аҭагылазаашьа аан. Усҟан анефтьаалыҵқәа рыхәԥсақәа 2018 шықәсазы иҟаз аҩаӡара аҟынӡа аларҟәра алыршахеит. (Абылтәы амарка АИ-92 литрак азы 38,90 мааҭ).