Аҟәа. Нанҳәамза 18, 2023 шықәса. Аԥсныпресс. Жәларбжьаратәи афорум “Аԥсны. Урыстәылатәи Афедерациа ала ареспублика ахьыԥшымра азхаҵара ҟалеижьҭеи 15 шықәса аҵра» Аҟәа ақалақь аҿы аусура иалагеит.
Афорум алахәылацәа ауаажәларрақәа рконсолидациа аҿы аҭоурыхтә гәалашәара ароль, еиҵагыло аҿар апатриотизм рылааӡара иаҵоу аҵакы ахадара, Урыстәылеи Аԥсни рыбжьара аинформациатә усеицура аперспективақәеи аԥышәеи, уҳәа атемақәа жәпакы ирылацәажәараны иҟоуп.
Афорум аартуа, жәларбжьаратәи аимадарақәеи аекономикатә зҵаарақәеи рзы Аԥснытәи аҳәынҭқарратә Университет апроректор Максим Ӷәынџьиа, астол гьежь аҳәаақәа ирҭагӡаны, дара «ҳаԥхьаҟатәи аамҭа рхахьы иааганы Урыстәылеи Аԥсни – ҳаԥхьаҟа хра злоу аиҭакрақәа шыҟало, адунеи аҿы имҩаԥысраны иҟоу апроцессқәа аҩганк рзы феида аланы, аусеицура акәзар, ес еиҵагыло абиԥара реизҳазыӷьара иазырханы ишыҟало агәра зго, ихьыԥшым, ззинқәа еиҟароу аҳәынҭқаррақәа реизыҟазаашьақәа иамоу аперспективақәа азԥхьабара рҽазыршәоит» ҳәа иазгәеиҭеит.
Афорум аиҿкааҩцәа – Жәларбжьаратәи акоммуникациақәа рыҿиара Аинститут «МИР–МОСТ–АБХАЗИЯ», иара убас Аԥснытәи аҳәынҭқарратә Университет.
Жәларбжьаратәи афорум апартниорцәа – Аԥсны атәылахьчара Аминистрра, Москва акоммуникациақәа рыҿиаразы Амилаҭтә ҭҵаарадырратә Институт, Асоциалтә программақәа адгылара рыҭаразы Амилаҭтә Фонд (НФСП), Аԥсны ажурналистцәа Реидгыла, амедиа-агентра «Sputnik Аԥсны».
Афорум аҳәаақәа ирҭагӡаны Аԥснытәи аҳәынҭқарратә Университет аҿы иазԥхьагәаҭоуп акоммуникациақәа рыҿиаразы Амилаҭтә ҭҵаарадырратә Институт ахаҭарнакцәеи Аԥснытәи аҳәынҭқарратә Университет аректор, академик Алеко Гәарамиеи реиԥылара. Уи аихшьаалақәа рыла Акоммуникациақәа рыҿиаразы Амилаҭтә ҭҵаарадырратә Институти Аԥснытәи аҳәынҭқарратә Университети рыбжьара аусеицуразы аиқәшаҳаҭра анапаҵыҩра мҩаԥгахоит.
Аусмҩаԥгатә апрограммаҿы иҟоуп астол гьежьқәа, аиԥыларақәа, амастер-классқәа, иара убас акультуратә программа.
