Аԥсны хатәгәаԥхарала еибашьуаз, уи ахақәиҭреи ахьыԥшымреи  зхы ақәызҵаз ҳаҭырла иргәаладыршәарц арахь иааит Аҳәынҭқарра Ахада Бадра Гәынба, Аҳәынҭқарра Ахада Иусбарҭа анапхгаҩы Џьансыхә Нанба, аԥыза-министр актәи ихаҭыԥуаҩ Беслан Џьопуа, аԥыза-министр ихаҭыԥуаҩ Владимир Делба, Жәлар Реизара-Апарламент адепутатцәа, атәыла Анапхгара алахәылацәа, Аԥсны иҟоу Урыстәыла ацҳаражәҳәаҩ Михаил Шургалин, Аԥсны иҟоу Аахыҵ Уаԥстәыла ацҳаражәҳәаҩ Олег Боциев, Аԥсны иҟоу Приднетровтәи Молдавтәи Ареспублика аофициалтә Хаҭарнакра ахада Гарри Кәпалба,   хатәгәаԥхарала Аԥсны еибашьуаз аветеранцәа, Аԥсны Аҳәынҭқарра Арбџьармчқәа рыруаа, ауаажәларра рхаҭарнакцәа.