Аԥсны жәлари хаҭала сара сыхьӡалеи иҭахаз рыуацәеи рҭынхацәеи, аиашьаратә республика Даӷьсҭан ажәлар зегьы срыдышшылоит. Ааха зауз зегьы иаарласны ршьапы иқәгыларатәы алшара роуааит!»
15.Нанҳәа.2023
Аслан Бжьаниа Махачкала иҟалаз аҭҟәацра аан иҭахаз рыуацәеи рҭынхацәеи дрыдышшылеит.
Аҟәа. Нанҳәамза 15, 2023 шықәса. Аԥсныпресс. Аԥсны Аҳәынҭқарра Ахада Аслан Бжьаниа Махачкала иҟалаз аҭҟәацра аан иҭахаз рыуацәеи рҭынхацәеи дрыдышшылеит.
Ареспублика Даӷьсҭан Ахада Сергеи Меликов ихьӡала идәықәҵаз адышшыларатә шәҟәы аҿы ахәҭакахьала иазгәаҭоуп:
«Ҳаҭыр зқәу Сергеи Алим-иԥа, Аԥсны гәалсра дула ирыдыркылеит Махачкала ақалақь абылтәыҭаҭәарҭаҿы иҟалаз аҭҟәацра иахылҿиааз аԥсытәбара зцу арыцҳара азы ажәабжь хьанҭа.
