Пицунда-Мыссратәи аҳәарԥсарра анаукатә усзуҩ еиҳабы Сабина Лобода лажәақәа рыла, аҳәарԥсарра анапхгараҭара аштат аҿы хә-ҩык рыда ыҟаӡам, насгьы зынӡа имаҷу аҳәынҭқарратә финанстәреи ахатәы ԥаратә хархәагақәа разымхареи инамаданы, ауааԥсыра рыбжьара зыҩаӡара ҳараку аилыркааратәи аинформациатәи аусура амҩаԥгара азы алшара ыҟаӡам.   Убри аҟнытә Сабина Лобода аҭыԥантәи амеценатцәа, агәыҳалалратә фондқәа рыбжьара ацхыраара лоуазар ҳәа дашьҭалеит. Лара Пицунда-Мыссратәи аҳәарԥсарра анавигациатә система аԥҵара азы апроект еиқәлыршәеит, анаҩс уи Аԥснытәи ауаажәларратә аҿиара афонд «АМШРА» ахь ахәаԥшразы адгалара ҟалҵеит.  Афонд аҿы уи ианахәаԥш, ианҭырҵаа ашьҭахь, аинтерес зҵоу, жәаҳәарада адгылара зҭаху проектны иԥхьаӡаны ацхыраара аҭаразы аӡбамҭа рыдыркылеит, - ҳәа адырра ҟаҵоуп «АМШРА» Феисбук аҿы адаҟьа аҿы.