Аҟәа. Нанҳәамза 10, 2023 шықәса. Аԥсныпресс. Гагратәи араионтә хәышәтәырҭа аҿы астационартә хәышәтәра иахысуеит нанҳәамза 8 рзы Гагра араион аҿы иҟалаз амҩатә машәыр аҿы ааха зауз хҩык апациентцәа. Зынӡа Гагратәи ахәышәтәырҭа ахь инаган 12 - ҩык.
«Ҩыџьа апациентцәа иуадаҩу абҩаԥҵәа ахьрылаз инамаданы, ахәышәтәразы Шәачаҟа, ақалақьтә хәышәтәырҭа №4, атравмологиа аҟәша ахь идәықәырҵеит», – ҳәа Аԥсныпресс акорреспондент диҿцәажәо илҳәеит Гагратәи ахәышәтәырҭа Хада аҳақьым хада Индира Арсалиа.
Быжь-ҩык апациентцәа ылырҩаахьеит.
«Ааха зауз рҟынтәи аӡәы дԥырҟеит, лара уажәы ареанимациаҿы дышьҭоуп. Уи лҭагылазаашьа макьаназы иуадаҩуп, аха убри аан маҷк хра злоу адинамика аныԥшуеит. Ҩыџьа – атравматологиатә ҟәша аҿы ишьҭоуп, урҭ рҭагылазаашьа ҭышәынтәалоуп, ибжьаратәуп», -ҳәа адырра ҟалҵеит Индира Арсалиа.
Нанҳәамза 8 рзы акроссовери амикроавтобуси ааихеит. Иҟалаз авариа иахҟьаны аҭыԥаҿы иҭахеит ҩыџьа ауаа, 12-ҩык еиуеиԥшым ахәрақәа рыманы Гагратәи ахәышәтәырҭахь инаган.
