Хаҭалатәи аилазаара ркомандаҟаҵаратә зыҟаҵара аҵарашықәс зегьы иалагӡаны имҩаԥыслоит.   Аҵара акурс мызкы иҭагӡахоит. Шықәсык ахь адкыларақәа рхыԥхьаӡара ԥшьба иреиҵахаӡом, аҵаратә гәыԥ аилазаара архәҭақәа рҭаххрақәа рҟынтәи иалкаахоит.

Аҽазыҟаҵара апрограмма ала иазԥхьагәаҭоуп атеориатәи апрактикатәи  аҽазыҟаҵарақәа. Убри аан атеориеи апрактикеи реишьашәалара 30% - 70 % аҵарашықәс аамҭа  инақәыршәаны иҟоуп.

Аҽазыҟаҵара ашьаҭаҿы иҟоуп – иҷыдоу атактикатә ҵаратә дисциплина, Урыстәылатәи Афедерациа Арбџьармчқәа инарыгӡо Иҷыдоу арратә операциа аԥышәа ҳасаб азуны абџьари арратә техникеи арра-еибашьратә ҭагылазаашьақәа рҿы рхархәара азы иҷыдоу апрактикатә ҽазыҟаҵарақәа.

Аҵаратә курсқәа рахь иахыԥхьаӡалахоит еиҳа иазыҟаҵоу, асержантцәа, асҭаршинцәа, аунтер-афицарцәа, уҳәа акомандаҟаҵаҩ еиҵбацәа иахәҭоу, ихымԥадатәиу  адыррақәеи алшарақәеи змоу, азанааҭтә лыԥшаара акомиссиа иахысыз аруаа.

Аҵара акурс ахыркәшамҭаз иазԥхьагәаҭоуп аихшьаалатә аттестациа амҩаԥгара. Уи алҵшәақәа рыла, аҵара иахысыз рдыррақәеи рылшарақәеи комплексла ахәшьара аҭахоит.

Аҽазыҟаҵарақәа Аԥсны Арбџьармчқәа Рыштаб Хада аҿы еиқәыршәаз аметодика инақәыршәаны имҩаԥыслоит.  Аҽазыҟаҵарақәа рхықәкы хада – атәылахьчара Аминистрра архәҭақәеи аҟәшеиҵақәеи рсержантә еилазаара азеиԥшарратәи аҷыдалкаатәи азыҟаҵара аҩаӡара ашьҭыхра, урҭ абжьааԥнытәи арратә маҵзуратә ԥсҭазаара аҿы еиԥш, ҳаамҭазтәи азеиԥшеибашьратә ҭагылазаашьаҿгьы архәҭақәеи аҟәшеиҵақәеи рнапхгараҭаразы ихымԥадатәиу адыррақәа рыҭара.  

Азыҟаҵарақәа рахь иадыԥхьалоуп еиҳа аҽазыҟаҵара бзиа змоу Аԥсны Арбџьармчқәа Рштаб Хада аспециалитцәеи Аҟәатәи Иреиҳаӡоу Азеиԥшарратә Командаҟаҵаратә Ҵараиурҭа арҵаҩратә еилазаареи.