Аиҩызаратә усӡбара азыҳәамҭа инақәыршәаны алеишәатә лахьыҭара мҩаԥгазароуп иарбоу аӡбамҭа аналагалаха нахыс мызкы иахымгакәа.  

Алеишәатә лахьыҭара амҩаԥгара залыршахом аиакәамура ҟалеижьҭеи фымз иреиҳаны иҵхьазар.

Аԥыԥшра, акарулра, мамзаргьы апатрул-ԥыԥшратә маҵзура аан иҟаҵаз аиакәымура азы аиҳабыра змами аиҵбыратә напхгаратә еилазаареи иаҵанакуа ахаҿқәа рганахьала алеишәатә лахьыҭара аҟаҵара аԥыԥшра, акрулра, апатрул-ԥыԥшратә маҵзура  азы рысмена анарҭалак, мамзаргьы егьырҭ ахаҿқәа рыла рҽеиҭныԥсахлара анымҩаԥгахалак  ашьҭахь ауп мацара ианзалыршахо.   Алеишәатә лахьыҭара адҵақәа рыла еиқәыршәахоит. Ҽҳәараанӡа аусдҵа алҩаара азы алаҳәара ҿырҳәала иҟаҵазар алшоит.   

Аусзуҩ иганахьала иҟаҵаз алеишәатә лахьыҭара аԥыхзар алшоит, уи фымз ирылагӡаны ҩаԥхьа аиакәымус ҟаимҵазар, иҿыцны алахьыҭара имоузар.

Аџьшьара аҭара аҳасабала  фымз аԥхьагьы алахьыҭара аԥыхзар ҟалоит.