Аҟәа. Ԥхынгәымза 24, 2023 шықәса. Аԥсныпресс. Аԥснытәи ашахматист ҿарацәа Нестор Багаҭелиа, Баграт Киути Анна Палаванӡиеи, Ирина Винер-Усманова лыхьӡ зху агимнастика Ахан аҿы имҩаԥысуаз «Moscow Open 2023» рхы аладырхәит.
Мчыбжьык (ԥхынгәымза 16 инаркны ԥхынгәымза 24 аҟынӡа) имҩаԥысуаз атуринир рхы аладырхәит 8 тәылак рҟынтәи 1 000-ҩык инареиҳаны ашахматистцәа.
Урыстәыла Ахраҿыгара ахәыҷтәы етап аҟны рхы аладырхәит 632-ҩык ашахматистцәа, ахацәа ретап– 308-ҩык, аҳәса ретап – 109-ҩык.
Ихадоу атурнир аҿы Аԥснытәи ашахматист ҿарацәа ибзиоу алҵшәақәа аадырԥшит.
«Moscow Open 2023» аҳәаақәа ирҭагӡаны имҩаԥысит атурнир «Анатоли Карпов Ихраҿагара». Уаҟа, Урыстәыла иреиӷьу ашахматистцәа дыриааины, Нестор Багаҭелиа 15-шықәса зхымҵыц арԥарцәа рыбжьара актәи аҭыԥ ааникылеит, - ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.
Аԥснытәи ашахматистцәа Москваҟа рцара залыршахеит Аԥсны аҿари аспорти русқәа рзы Аҳәынҭқарратә Еилаки Аԥсны ашахматқәа Рфедерациеи иҟырҵаз ацхыраара иабзоураны.
