Аҟәа. Ԥхынгәыза 24, 2023 шықәса. Аԥсныпресс. Аҟәа ақалақь аҿы иҟоу Москватәи акультура-усуратә Центр «Москва Аҩны» Галтәи ареспубликатә хәышәтәырҭа Хадеи Аҟәатәи ақалақьтә поликлиникеи амедицинатә хархәагақәа ҳамҭас ирынаҭеит.
2022 шықәсазы иарбоу амедусбарҭақәа рхаҭарнакцәа «Москва Аҩны» ахь ихымԥадатәиу амедицинатә хархәагақәа рзы ацхыраара аиуразы иадҵаалеит.
«Москва Аҩны» апресс-маҵзура иҟанаҵо адыррақәа рыла, ацхыраара ҟаҵахеит аҳәаанырцә иҟоу аидгьылуаа адгылара рыҭара азы Москва ақалақь Ахадара адәныҟаекономикатәи жәларбжьаратәи аимадарақәа рдепартамент апрограмма анагӡара аҳәаақәа ирҭагӡаны имҩаԥгахеит. Галтәи араионтә хәышәтәырҭа Хадеи Аҟәатәи ақалақьтә поликлиникеи аҳақьым хадацәа Асҭамыр Гамгиеи Лиана Амԥари Аҟәа иҟоу «Москва Аҩны» ироуз ацхырааразы иҭабуп рҳәеит.
Амедицинатә хархәагақәа рыҭараан иҟаз, Аԥсны иҟоу ауаажәларратә еиҿкаара «Урыстәыла атәылауаа Реидгыла» ахантәаҩы Анатоли Никульников «Москва Аҩны» иҟанаҵаз ацхыраара азы иҭабуп ҳәа иҳәеит, иарбоу ахырхарҭала аусура аринахысгьы ишацҵахо азы агәыӷра ааирԥшит.
2022 шықәса, рашәарамзазы Аҟәа ақалақь иҟоу «Москва Аҩны» амедицинатә хархәагақәеи амаругақәеи Очамчыратәи араионтә зхәышәтәырҭа ҳасҭас ианаҭеит.
