Асааҭ 12:00 рзы – Аԥсны Раԥхьатәи Ахада Владислав Арӡынба Имемориал амҵан ашәҭшьыҵәрақәа рышьҭаҵара ацеремониа мҩаԥгахоит.
Асааҭ 12:30 рзы – Аԥсны Раԥхьатәи Ахада Владислав Арӡынба Имемориал аҟынтәи Очамчыра араион Кәтол ақыҭан иҟоу Аԥсны Аҳәынҭқарратә Бираҟ автор Валери Гамгиа инышәынҭра аҟынӡа автомотоеиԥхныҩлара мҩаԥгахоит.
Асааҭ 19:30 рзы – С.Ҷанба ихьӡ зху Аԥснытәи адраматә театр аҟынтәи Сергеи Багаԥшь ихьӡ зху аплошьад аҟынӡа абираҟқәа кны амотопарад мҩаԥгахоит.
Асааҭ 20:00 рзы – Сергеи Багаԥшь ихьӡ зху аплошьад аҿы аҳәынҭқарратә рҿиаратә коллективқәеи аԥсуа естрада артистцәеи злаху аныҳәатә концерт мҩаԥгахоит.
Аныҳәатә усмҩаԥгатәқәа реиҿкаареи рымҩаԥгареи рхахьы иргоит Аԥсны аҿари аспорти русқәа рзы аҳәынҭқарратә Еилаки Аҟәа ақалақь Ахадареи.
