Аҟәа. Ԥхынгәымза 18, 2023 шықәса. Аԥсныпресс. Аслан Бжьаниа амузыкатә менеџьер, акультуратә центр «Сириус» асахьаркыратә напхгаҩы Ханс- Иоахим Фраи дидикылеит, ҳәа адырра ҟанаҵоит Аҳәынҭқарра Ахада иофициалтә саит.
Аԥсны Аҳәынҭқарра Ахада Германиеи Урыстәылеи амузыкатә менеџьер диԥыло ари аиԥылара ҳаԥхьаҟа акультура аусхкы аҿы лҵшәа бзиала аусеицура азы хра злоу импульсны ишыҟало азы агәыӷра ааирԥшит.
Ханс-Иоахим Фраи иганахьала Аԥсны иоуз адкылара бзиа азы иҭабуп ҳәа иҳәеит, уи ареспублика акультуратә еимадара абжьаҵара азы аусура дшазхиоу иҳәеит.
Аслан Бжаниеи Ханс-Иоахим Фраиеи агуманитартә проектқәа реицынагӡара иалацәажәеит. Ааигәатәи аперспектива азы аусеицура атема хаданы иҟалар алшоит акультуратә центр «Сириус» аплошьадка аҿы аԥснытәи аестрада артистцәа, акәашаратәи атеатралтәи арҿиаратә коллективқәа злаху Аԥсны афестиваль аиҿкаара.
