«Аҟәа ақалақь Ахадара иаҵанакуа Амҩа еиҭашьақәыргылара-ргыларатә Усбарҭа амаҵзурақәа иарбоу аусурақәа нарыгӡоит. «Ацҳа шкәакәа» аԥхьа иҟоу Ладариеи Анчабаӡеи рымҩақәа рҿы ажраҭырҭәааратә усурақәа рыла иалагеит, анаҩс армарахьтәи аганахьала Арӡынба имҩала Ацҳа Ҟаԥшь аҟынӡа, хыхь Абазаа рымҩаҟынӡа. Ҳаԥхьаҟа макьаназы Арӡынба имҩа еихызҵәо даара ирацәаны амҩақәа ҟаҵатәны ишьҭоуп», – ҳәа иазгәеиҭеит Руслан Аҩӡба.
Арӡынба имҩа аҿы аҵыхәтәантәи амшқәа рзы ажрыҭырҭәааратә усурақәа ирылагаанӡа аҽазыҟаҵаратә усурақәа мҩаԥысуан. Иахьа акаҭран ашьҭаҵара иалагеит.
