Гулрыԥшь араион ала аиҭашьақәыргылара-ргыларатә усурақәа ахьымҩаԥгахо аобиектқәа рсиа иалагалахеит: Ԥшьаԥ ақыҭан Набережнаиа амҩа шьаҭанкыла аиҭашьақәыргылара. Уи иақәхарџьхо аԥаратә хархәагақәа рзеиԥш еицҵалыҵ 4 млн. 250 нызықь мааҭ рҟынӡа инаӡоит; Ареспубликатә аҷыдалкаатә психиатриатә хәышәтәырҭа аҿы хазы игоу ауадақәа рҿы шьаҭанкыла аиҭашьақәыргылара. Уи иақәхарџьхо аԥаратә хархәагақәа рзеиԥш еицҵалыҵ 3 млн. 740 нызықь мааҭ рҟынӡа инаӡоит; Ареспубликатә аимҳәадуҿагыларатә диспансер араион аҿы аӡрыжәтә азы арезервуар аргылара иақәхарџьхоит 7 млн. мааҭ; Ҵхыбын ақыҭан аӡхагаларатә аҵхырҭақәа хԥа ркылҵәара. Уи иақәхарџьхо аԥаратә хархәагақәа рзеиԥш еицҵалыҵ 1 млн. 500 нызықь мааҭ рҟынӡа инаӡоит; афымцатрансформатор аҿыц ала аԥсахра иартәоит 1 млн. мааҭ.  Иара убас Ԥшьаԥ ақыҭан цанбекәартәи ашкол аанда акәыршара иартәоит 2 млн. 200 нызықь мааҭ; Дранда ақыҭан ахәыҷбаҳча «Ҟәараса» аҿы ахәыҷтәы хәмарырҭа аргылареи Уарча ақыҭан астадион-маҷ аргылареи иартәоит  6 млн. 200 нызықь мааҭ.  

Очамчыра араион Џьгьиарда ақыҭан ихырәшахароуп Афельдшер-акушертә Пункт аҿы аиҭашьақәыргыларатә усурақәа. Урҭ ирықәхарџьхо аԥаратә хархәагақәа рзеиԥш еицҵалыҵ 2 млн 500 нызықь мааҭ рҟынӡа инаӡоит; Очамчыра араион Ҷлоу ақыҭан аӡымҩангагақәа шьаҭанкыла реиҭашьқәыргылара 13 млн. мааҭ инереиҳаны иартәоит; Очамчыра араион Баслахә, Ԥақәашь, Ҭхьына ақыҭақәа рҿы астадион маҷқәа рыргылара 16 млн. 672 нызықь мааҭ иартәоит; Очамчыра араион Балахә, Џьал, Мықә, Гәыԥ, Кәтол, Кындыӷ ақыҭақәа рҿы абжьаратә школқәа рҿы аиҭашьақәыргыларатәии шьаҭанкыла аиҭашьақәыргыларатәи аусурақәеи мҩаԥгахоит. Урҭ ирықәхарџьхо аԥаратә хархәагақәа рзеиԥш еицҵалыҵ  – 23 млн. 112 нызықь мааҭ иреиҳауп.  

Аҟәа араион Ачадара ақыҭан  иазԥхьагәаҭоуп атрансформатортә станциеиҵақәа  №№ 33, 53 рҿы афымцамонажтә усурақәа рымҩаԥгара.  Урҭ ирықәхарџьхо аԥаратә хархәагақәа рзеиԥш еицҵалыҵ 5 млн. мааҭ рҟынӡа инаӡоит; Аҟәа араион Ешыра ақыҭан шьаҭанкыла аиҭашьақәыргыларатә усурақәа  2 млн. мааҭ иартәоит; Аҟәа араион Ешыра ақыҭан астадион маҷ аргылара 5 млн. мааҭ иартәоит.  

Ҭҟәарчал араион аҿы имҩаԥгахо аргылара-еиҭашьақәыргыларатә усурақәа рзеиԥш харџьхәыԥса 22 млн. 793 нызықь мааҭ иреиҳауп. Аиҭашьақәыргыларатә усурақәа ахьымҩаԥгахо аобиектқәа рсиа иалагалоуп: Ҭҟәарчал ақалақь Аршба имҩаҿы аҵаргәатә ҭӡы аргылара.  Уи иақәхарџьхо аԥаратә хархәагақәа рзеиԥш еицҵалыҵ 1 млн. 500 нызықь мааҭ рҟынӡа инаӡоит; ашкол №4 аспорттә зал  аиҭашьақәыргылара иартәоит 2 млн 500 нызықь мааҭ; Д.Гәлиа ихьӡ зху акультура Ахан ахыбра аиҭашьақәыргылара иартәоит 3 млн. мааҭ инарзынаԥшуа; ақалақь аҿы ахәыҷтәы хәмарратә плошьадкақәа ҩба рыргылара  иартәоит 2 млн. 600 нызықь мааҭ. Иара убас Аҟармара аҳаблаҿы ахәыҷтәы плошьадкак аргылара иартәоит 1 млн 200 нызықь мааҭ;  Агәыбедиа ақыҭан иҟоу ацҳа шьаҭанкыла аиҭашьақыргылара  иартәоит 8 млн. мааҭ инарзынаԥшуа; Агәыбедиатәи абжьаратәи ашкол №1 аҿы аиҭашьақәыргыларатә усурақәа рымҩаԥгара иақәхарџьхоит 4 млн. мааҭ.  

Атәыла аԥыза-министр аилатара иалахәыз рахь ихы рханы, зегьы раԥхьаӡа иргыланы, аҵарашықәс алагаанӡа азеиԥшҵараиурҭақәа рҿы иазԥхьагәаҭоу аусурақәа зегьы хыркәшахароуп ҳәа иазгәеиҭеит. Ихадоу зҵаараны иара убас иҟоуп ашколнӡатәи аусбарҭақәагьы, ҳәа иҳәеит иара. Егьырҭ аобиектқәа рҿы аусурақәа, Алеқсандр Анқәаб ишиҳәаз ала, ҳазҭоу ашықәс нҵәаанӡа ихыркәшахароуп.