IV Ареспубликатә жәлар рнаплакыреи рнапҟазареи афестиваль ишьақәгылахьоу жәлар рнаплакыреи рнапҟазареи атрадициақәа реиҭарҿиара, аусумҭақәа рӡыргареи рыҭиреи рзы иманшәалоу аплошьадкақәа реиҿкаарала ҳаамҭа иақәшәо, иҿыцу адекоратив-хархәаратә ҟазара ахкқәа аҿиара аҭара.
Афестиваль ахықәкы хадақәа иреиуоуп аҟыбаҩ злоу Аԥсны атәылауаа раарԥшреи адгылара рыҭареи.
Афестиваль рхы аладырхәуеит адекоратив-хархәаратә ҟазара еиуеиԥшым абарҭ ахкқәа рыбзиабаҩцәа: аҳаԥшьарӡра/акыцӡры, аԥсабаратә материал ала аԥара, ақәҵара, аҵла ақәҭыхра, аимхәыцссала аԥара, амҿы аҭаҟҟара, ажьира, уҳәа убас иҵегьы.
