Аҟәа. Ԥхынгәымза 20, 2023 шықәса. Аԥсныпресс. Аҟәатәи аинфекциатә хәышәтәырҭа аҿы аинфекциатә чымазарақәак рдиагностикеи рыхәышәтәреи рыпрофилактикеи ирызку актуалра злоу азҵаарақәа ирызкны ҩымш имҩаԥысуаз атренинг-семинар хыркәшахеит. Атренинг рхы аладырхәит ареспублика амедицинатә усбарҭақәа рҟынтәи апедиатрцәеи аинфекцонистцәеи.
Азыҟаҵарақәа мҩаԥылгон Москвантәи иааз амедицинатә наукақәа ркандидат, аҳақьым-аинфекционист, апедиатр Алиса Медикова.
Атренинг алахәылацәа абарҭ атемақәа рыла алекциақәа ирзыӡырҩуан:
«Ахәыҷқәа рыҟны акьиатеитәи абактериалтәии авирустәи аинфекциақәа»;
«Аинфекциатә мононуклеоз. Агерпесвирустә ҿкы чымазарақәа. Лассы-лассы ичмазаҩхо ахыҷқәа амедицинатә хылаԥшра рыҭара»;
«Аимҳәаршәаа. Аклиникеи адиагностикеи апрофилактикеи ҳаамҭазтәи аҷыдарақәа»;
«Абҷы. Аклиникеи адиагностикеи апрофилактикеи ирыдҳәалоу актуалра злоу азҵаарақәа».
Атренинг атәыла агәабзиарахьчара Аминистрреи Аҟәа ақалақь Ахадара агәабзиарахьчара Аусбарҭеи рыла еиҿкаан.
