Аҟәа. Ԥхынгәымза 20, 2023 шықәса. Аԥсныпресс. Аԥснытәи аделегациа Аԥснытәи аделегациа Сандинисттәи ареволиуциа ҟалеижьҭеи 44-шықәса аҵра азгәаҭара иазку аныҳәатә усмҩаԥгатқәа рхы аладырхәит.
Манагуа ақалақь Ареволиуциа ашҭаҿы имҩаԥысит аныҳәатә концерт. Араҟа иқәгылеит акоманданте Даниель Ортега Сааведреи уи ихаҭыԥуаҩ Росарио Мурилиои.
Аԥсны аԥыза-министр актәи ихаҭыԥуаҩ Беслан Џьопуа Ареспублика Никарагуа Ахада Аԥсны Аҳәынҭҭқарра Ахада Аслан Бжьаниа иҟынтәи адныҳәаларатә цҳамҭа ииҭеит.
Беслан Џьопуа Никарагуа анапхгара ганрацәала адгылара азы иҭабуп ҳәа иҳәеит, иара убас Никарагуа ажәлар аҭынчреи аизҳазыӷьареи рзеиӷьаишьеит.
