Хәажәкырамза, 2023 шықәсазы Гагра араионтә ӡбарҭа латәарада Саакиан Давид Карекин-иԥа иганахьала аҭакрала ахьырхәра иқәҵара азы аӡбамҭа аднакылеит.   

Д. Саакиан иԥшаара рылаҳәахеит. Уи аҵыхәтәан аԥснытәии урыстәылатәии азинхьчаратә усбарҭақәа рсзуҩцәа активла еицынарыгӡоз аоперативтә усмҩаԥгатәқәа ирыбзоураны Москватәи аобласт иахьаҵанакуа даанкылан.

Саакиан Давид Карекин-иԥа  иԥшаареи аекстрадициа аҳасабала иҭареи рзы аӡбамҭа адкылара алыршахеит агәреибагареи аилибакаареи наҟ-ааҟтәи аусеицуреи рыпринцип азы аиқәшаҳаҭра аҳәаақәа рҭагӡаны имҩаԥгаз Аԥсни Урыстәылатәи Афедерациеи рыпрокуратурақәа иҳараку аҩаӡара змоу русеицура иабзоураны, ҳәа адырра ҟанаҵоит Аԥсны апрокуратура Хада апресс-маҵзура.

Ԥхынгәымза 11, 2023 шықәса рзы Аԥсны аҩныҵҟатәи аусқәа Рминистрра акануеи ицны Саакаиан Давид Кареикин-иԥа Аԥсныҟа дааргеит.