Даҽа зҵаарак аҳақьымцәа рабжьгарақәа рыда Аԥснытәи аӡырԥхақәа рхархәара ашәарҭадара иазкын.
Геннади Онишьенко аӡырԥхақәа рхархәараан агәҽанызаара аарԥшлатәуп, аиҳарак арадонтә процедурақәа, уи ишабалак ала азнеира ҟалаӡом ҳәа инаҵшьны иазгәеиҭеит.
«Иарбанызаалак ахәшә - ари ашҳам ауп, уи ишәа-иза адкылараан ауп ахәарҭа анацу. Иара убас, дарбанызаалак ауаҩы иарбоу апроцедура аҟынтәи инырра еиԥшымзар ҟалоит, убри аҟнытә ас еиԥш апроцедурақәа аҳақьым дадгаланы мацара ауп ишымҩаԥгалатәу», - ҳәа агәҽанызаара ҟаҵо иҳәеит иара.
Минск
Минскктәи аколлегацәа аномалла иҟоу ашоура ахҟьаԥҟьақәас иаиурц зылшо – иҿыцу аҿкы чымазарақәа рцәырҵра азы ашәарҭара ыҟоу иҟаму азы азҵаара ықәдыргылеит.
«Амра зегьы ақәҳамҵалап. Ашоура усҵәҟьа иҟам, иҿыцу аҿкы чымазарақәа цәырҵыртә еиԥш, насгьы шәара шәтәыла аҿы аӡыла аиқыршәара иазку аинфраструктура уақәгәыӷыртә еиԥш аус ауеит», - ҳәа иҳәеит Геннади Онишьенко.
Каховтәи Аӡфымцатә Станциа аԥжәара инамаданы Украина иаԥну аҵакырақәа рҿы аинфекциақәа, холера ҳәа изышьҭоу аҿкы чымазара уахь иналаҵаны, алаҵәара азы ашәарҭара ыҟоу иҟаму азы азҵаарагьы ықәыргылан.
Урыстәыла Анаукақәа Ракадемиа академик, ас еиԥш ашәарҭара ыҟоуп, аха заанаҵы ашәаӡыӡара аҭахны иҟам ҳәа инаҵшьны иазгәеиҭеит.
«Аӡхыҵра ахьыҟалаз аҭыԥқәа рҿы аҳақьымцәа аус руеит, ишьақәыргылоуп амшьамбақьалатә еиланхарҭа, хыҵакырҭада иаанхаз ауааԥсыра фатәи-жәтәи рыла реиқәыршәара еиҿкаауп, аҭагылазаашьа аҿиара ахылаԥшра ӷәӷәа амоуп. Ахолератә ембрион аарԥшхар, усҟан ҳара иаадыруеит уи ачымазара ҿкы аларҵәара аԥхьырҟәҟәаара азы иҟаҵатәу», - ҳәа аҭак ҟаиҵеит иара.
Бишкек
Бишкектәи ажурналистцәа рызҵаара аӡиа Иссык-Куль аҿы аԥсшьара аинфекциатә чымазарақәа рганахьала ашәарҭадара иазкын. Уи аҭак ҟаҵо Геннади Онишьенко акызаҵәык шәарҭарас иҟоу ари аӡиа ашьхаҳаракыратәны иахьыҟоу инамаданы, ирласны амра ӷәӷәаны акреи амрашәахәақәа рыԥхарра амыцхәреи роуп ҳәа иҳәеит. аҭак ҟаиҵеит.
