«Ари Иашҭхәа ауааԥсыра рзы даара акыр зҵазкуа хҭысуп», - ҳәа иҳәеит иара. Афершалтә-ԥҳәысеилыргаратә пункт аҿы иҟалоит ҩыџьа аусзуҩцәа: афершали амедиаҳәшьеи. Урҭ ачымазцәа ргәаҭареи актәи амедицинатә цхыраара рыҭареи, акардиограмма аҭыхра, асатурациа ашәара, ашьақәыӷәӷәара агәаҭара, акәаԥлашьҭыга ақәыргылара рылшоит.  

Афершалтә-ԥҳәысеилыргаратә пункт Аҟәатәи араионтә поликлиника иаҵанакуеит.

«Афершалтә пунктқәа – ари апрофилактика амҩаԥгара злашьаҭарку ауп. Зегьы ирыцку – ианаамҭоу ауаҩы ихьуа ачымазара аилкаареи ахәышәтәырҭахьы ишьҭреи. Ари ақыҭауаа рзы хра злоу усуп», - ҳәа иҳәеит Алхас Ҷыҭанаа.

Афершалтә-ԥҳәысеилыргаратә пункт аусурамшқәа рзы асааҭ 09:00 инаркны асааҭ 16:00  рҟынӡа аус аулоит.