Бзыԥ аҳаблаҿы аминистр дахәаԥшраны дыҟоуп астанцеиҵа «Бзыԥ - 220 кВ». Ари астанцеиҵа Гагреи Гәдоуҭеи араионқәа афымцалашарала еиқәзыршәо ихадоу обиектны иҟоуп. Уи аусура иаларган 1964 шықәса рзы. Ари астанцеиҵа ареконструкциа иазку аусмҩаԥгатә иалагалоуп зымчхара 220 кВ, 110 кВ рҟынӡа инаӡо иаарту аихшаратә шьақәыргыларақәа рырҭбаара, зымчхара 63 мВт рҟынӡа инаӡо автотрансформаторқәа ҩба зымчхара 125 мВт. рҟынӡа инаӡо автотранспортқәа ҩба рыла аԥсахра. Ареконструкциа 2023 шықәсазы ихыркәшахоит, аусурақәа зегьы 95% рыла инагӡоуп.
Гәылрыԥшь араион аҿы Максим Решетников астанцеиҵа «Дранда - 110 кВ» даҭаауеит. Ари астанцеиҵеи «Агудзера - 110кВ» астанцеиҵеи аҟәатәи аҳаирбаӷәаза, иара убас икьакьоу абзазаратә црыҵқәа рышьҭаҵарҭеи афымцалашарала еиқәнаршәоит. Аҳаирбаӷәаза ареконструкциа азы иаҭаххо афымцамч амчхара - 4 мВти II акатегориа иаҵанакуа афымцалашарала аиқәыршәара ақәгәыӷрареи. Уи арҭ астанцеиҵақәа реиҭашьақәыргылареи аҳауала инагоу афымцамҩангагатә цәаҳәа аргылареи рышьҭахь ауп ианзалыршахо. 2023 – 2025 шш. Аинвестициатә программа аҿы арҭ аобиектқәа арбаӡам, аҳауала инагоу афымцацәаҳәақәа рыргылареи рмодернизациеи рзы иазԥхьагәаҭоу ахарџь – 500 млн. мааҭ рҟынӡа инаӡоит.
Гәылрыԥшь араион Кыцыкыҭ ақыҭан Максим Решетников зыргылара мҩаԥысуа икьакьоу абзазаратә црыҵқәа рполигон даҭааны игәеиҭоит. Аргыларатә усурақәа рхыркәшара 2023 шықәсазы иазԥхьагәаҭоуп.
Ареспублика аҿы икьакьоу абзазаратә црыҵқәа реизакырҭақәа иахәҭоу рхыԥхьаӡара ыҟаӡам. Полигонзаҵәык Гагра араион аҿы иҟоуп. Уи ареспублика мраҭашәара аганахьала ацрыҵқәа аднакылоит. Аҟәа ақалақьи ареспублика мраҭашәаратәи араионқәеи рҟынтәи ацрыҵқәа рышьҭаҵара уи азы ҷыдала иалхым аҭыԥқәа рҿы имҩаԥысуеит, уи ареспублика аҿы аеколологиатә ҭагылазаашьа иҽеим анырра анаҭоит. Аполигон ахархәарахь алагалара ареспублика агәи мраҭашәаратәи ахәҭеи рҟынтәи икьакьоу абзазаратә црыҵқәа еиҳау рыхәҭа ҭыԥк аҿы ашьҭаҵара алыршахоит.
Иахьа иахымгакәа имҩаԥысраны иҟоуп Максим Решетникови Аԥсны Аҳәынҭқарра Ахада Аслан Бжьаниеи атәыла аԥыза-министр Алеқсандр Анқәаби реиԥылара.
