Аҟәа. Ԥхынгәымза 4, 2023 шықәса. Аԥсныпресс. Рашәарамзазы ашәахтә шәатәқәа раҳасабала Аԥсны абиуџьет иалагалахеит 300,2 млн. мааҭ. Убри аан 262,6 млн. мааҭ рыла ишьақәыргылаз аплан аан анагӡара 114% рҟынӡа инаӡеит, ҳәа иаанацҳауеит ашәахтәқәеи аизгақәеи Рминистрра апресс-маҵзура.
2023 шықәса фымз ирылагӡаны 1 млрд 463,7 млн. мааҭ рыла ишьақәыргылаз аплан ала ареспублика абиуџьет иалагалахеит 1 млрд 893,7 млн. мааҭ ашәахтә шәатәқәа. Анагӡара 129% рҟынӡа инаӡеит.
2022 шықәсазы аиԥш-зеиԥшу аамҭахәҭа иаҿырԥшны уахәаԥшуазар, ашәахтәқәа ралагалара адинамика 123% рҟынӡа инаӡеит, уи иааизакны уахәаԥшуазар, 351,6 млн. мааҭ рҟынӡа инаӡоит.
2023 шықәса фымз ирылагӡаны Ареспублика араионқәеи Аҟәа ақалақьи рҟынтәи ашәахтә шәатәқәа ралагалара наӡеит:
ақ. Аҟәа – 830,0 млн. мааҭ рыла ишьақәыргылаз аплан ала иалагалахеит 1 013,3 млн. мааҭ, даҽакала иуҳәозар - 122%.
Гагра араион – 262,8 млн. мааҭ рыла ишьақәыргылаз аплан ала иалагалахеит 509,7 млн. мааҭ, даҽакала иуҳәозар - 194%.
Гәдоуҭа араион – 111,9 млн. мааҭ рыла ишьақәыргылаз аплан ала иалагалахеит 141,0 млн. мааҭ, даҽакала иуҳәозар - 126%.
Аҟәа араион – 55,0 млн. мааҭ рыла ишьақәыргылаз аплан ала иалагалахеит 74,0 млн. мааҭ, даҽакала иуҳәозар - 135%.
Гәылрыԥшь араион – 43,5 млн. мааҭ рыла ишьақәыргылаз аплан ала иалагалахеит 54,5 млн. мааҭ, даҽакала иуҳәозар - 125%.
Очамчыра араион – 121,4 млн. мааҭ рыла ишьақәыргылаз аплан ала иалагалахеит 50,7 млн. мааҭ, даҽакала иуҳәозар - 42%.
Ҭҟәарчал араион – 16,7 млн. мааҭ рыла ишьақәыргылаз аплан ала иалагалахеит – 18,4 млн. мааҭ, даҽакала иуҳәозар - 111%.
Гал араион – 22,5 млн. мааҭ рыла ишьақәыргылаз аплан ала иалагалахеит – 32,2 млн. мааҭ, даҽакала иуҳәозар 143%.
