«Иахьатәи акциа иаанарԥшуеит ҳара зегьы анаркотикқәа ҳшырҿагыло, ҳара зегьы агәабзиара еиҷаҳарыла азныҟәара ҳшадгыло. Аҿари аспорти русқәа рзы аҳәынҭқарратә Еилакы аҿар абҩарҵәыреи аспорти рыла аҽазыҟаҵареи ргәабзиара ацклаԥшреи рзы излауа ала ирацәаны алшарақәа рыҭара азы иалшо зегьы аҟаҵара иазхиоуп», – ҳәа иазгәеиҭеит иара.
Тарас Ҳагба аӡсра иалахәы зегьы ақәҿиарақәа рзеиӷьаишьеит.
Ари аӡсра зынӡа рхы аладырхәуеит 64-ҩык. Аӡсра 50 метра рҟынӡа инаӡо адистанциа ала имҩаԥысуеит.
Аӡсаҩцәа қәыԥшцәа азыҟарҵоит азыҟаҵаҩцәа Елена Вардимиадии Виктор Задорожныии.
