Аҟәа. Рашәарамза 23, 2023 шықәса. Аԥсныпресс. Аҟәатәи амшынтә баӷәаза ахь инеит акруизтә лаинер «Князь Владимир». Ари урыстәылатәи аӷба Аҟәаҟа инанагӡо аҩбатәи аԥышәара-гәаҭаратә ныҟәароуп.
Алаинер абаӷәазанӡа инаӡеит рашәарамза 23, ахәаша ашьжьымҭан, асааҭ 8:30 рзы.
Зынӡа 2023 шықәсазы аԥхынтәи аамҭахәҭа иалагӡаны алаинер инанагӡоит 11 реис.
Иара уажәы Шәача-Новороссиск-Иалта-Севастополь-Шәача амаршрут ала иныҟәалоит.
Акруиз 5 мыш ирҭагӡахоит (3 мыш Аҟәатәи амшынтә баӷәазаҿы игылазаауеит). Зынӡа аԥхынтәи аамҭахәҭа иалагӡаны алаинер инанагӡоит 11 реис, есымчыбжьы – рашәарамза 29 инаркны цәыббрамза 11 аҟынӡа.
Ареспубликатә Унитартә Наплакы «Аԥснытәи амшынтә ӷбаныҟәара» адиректор Хада Даур Арӡынба иажәақәа рыла, алаинер иҭоуп 54 – ҩык апассаџьырцәа.
«Уи аекскурсиатә маршрутқәа ҭызҵаало еиуеиԥшым атуристтә еилазаарақәа рхаҭарнакцәа роуп. 96 -ҩык – уи аекипаж алахәылацәа роуп», -ҳәа иазгәеиҭеит иара.
Аӷба шьҭахьҟа Шәача аганахьала амҩа иқәлоит рашәарамза 24 азы.
«Иааиуа ареис амҩаԥгараан ари аӷба Аҟәатәи амшынтә баӷәазаҿы хымш игылазаауеит», - ҳәа иҳәеит иара.
Даур Арӡынба, 2019 шықәсазы имҩаԥгаз раԥхьатәи агәаҭаратә реис ашьҭахь акруизтә лаинер ареисқәа 2020 шықәсазы ацҵара азԥхьагәаҭан, аха иҟалаз акоронавирустә ҿкы чымазара апандемиа иахҟьаны уи анагӡара залмыршахеит.
Даур Арӡынба Аԥсныҟа акруизқәа рыҟалара даара акыр зҵазкуа хҭысуп ҳәа иазгәеиҭеит. «Ҳуааԥсыра асасцәа гәахәара дула ирыдыркылоит. Амшынтә круизқәа ҳаԥхьаҟагьы атуристцәа раара ишацхраауо, ҳтәылауаагьы аԥара арҳаразы даҽа лшарак шырзаԥҵахо азы агәыӷра ҳамоуп», - ҳәа иҳәеит иара.
«Князь Владимир» иахьазы Аҟәатәи амшынтә баӷәаза ахь иҭало ӷбазаҵәык ауп.
